بلوچستان کے ضلع بولان میں چلڑی سیاہ کے مقام پر پاکستانی فوج پر نامعلوم مسلح افراد نے بھاری ہتھیاروں اور خود کار ہتھیاروں سے حملہ کیا ہے۔
حملہ آج بروز منگل دوپہر کے وقت بولان کے علاقے ہوکڑ دفعہ چلڑی سیاہ میں ہوا جہاں نامعلوم مسلح افراد نے فوج کے گاڈیوں اور ٹرکوں پر راکٹوں اور خود کار ہتھیاروں سے حملہ کیا۔
حملے میں جانی نقصان کا خدشہ ظاہر کیا جارہا ہے۔
علاقائی ذرائع کے مطابق فوج پر حملہ اس وقت ہوا جب وہ معمول کی گشت پر تھی۔
علاقائی ذرائع نے مزید کہا کہ مسلح افراد اور فوج کے درمیان فائرنگ کا تبادلہ آدھے گھنٹے سے زائد تک جاری رہا۔
واضع رہے کہ ماضی میں فورسز پر اس طرح کے حملے بلوچ آزادی پسند مسلح تنظیموں کی جانب سے کئے گئے ہیں لیکن اب تک اس حملے کی زمہ داری کسی تنظیم کی جانب سے قبول نہیں کی ہے۔
