افغانستان کے نائب صدر امراللہ صالح، جنھوں نے احمد شاہ مسعود کے صاحبزادے کے ہمراہ طالبان کے خلاف مزاحمت کا اعلان کر رکھا ہے، کے مطابق طالبان وادی پنجشیر کی جانب بڑھ رہے ہیں۔
منگل کی صبح ٹوئٹر پر جاری ہونے والے ایک پیغام میں انھوں نے لکھا کہ طالبان نے وادی اندرآب کا محاصرہ کر لیا ہے جس کی وجہ سے علاقے میں خوراک اور ایدھن کی قلت پیدا ہو گئی ہے۔
انھوں نے دعویٰ کیا کہ طالبان بچوں اور بوڑھوں کو انسانی ڈھال کے طور پر استعمال کر رہے ہیں اور مخالفین کی تلاش میں گھر گھر جا رہے ہیں۔
ان کا کہنا تھا کہ علاقے میں صورتحال بہت خراب ہے اور عورتیں اور بچے پھاڑوں میں چھپ گئے ہیں۔
صالح کے بیان پر طالبان کی جانب سے اب تک کوئی ردعمل سامنے نہیں آیا۔
