بلوچستان لبریشن فرنٹ کے ترجمان میجر گہرام بلوچ نے مستونگ میں شہید شفیع چوک پر پاکستانی فوج کے میجر کے گھر کی سیکورٹی کیلئے قائم فوج کی مورچہ پر حملے کی ذمہ داری قبول کی ہے۔
میجر گہرام بلوچ نے میڈیا میں جاری کردہ اپنے بیان میں کہا ہے کہ سرمچاروں نے بدھ کے شام چھ بجے مستونگ آر سی ڈی روڈ کے قریب شہید شفیع چوک پر واقع پاکستانی فوج کے میجر کے گھر کی سیکیورٹی کیلئے قائم مین مورچہ پر دستی بم سے حملہ کیا۔ انہوں نے کہا کہ دستی بم مورچہ کے اندر گرا جس کے بعد حملے میں سکیورٹی فورسز کے نقصانات کو چْھپانے کیلئے فوج نے میڈیا سمیت جائے وقوعہ پر سب کی رسائی روکنے کیلئے علاقہ کو گھیرے میں لے کر سیل کردیا۔
میجر گہرام بلوچ نے مزید کہا کہ اس چوکی پر مامور فوجی اہلکار ٹرانسپورٹروں سمیت عام لوگوں کو تنگ کرنے اور ان سے بھتہ لینے میں ملوث رہے ہیں آخر میں میجر گہرام بلوچ نے اپنے اس عزم کا اعادہ کیا ہے کہ قابض فورسز پر حملے مقبوضہ بلوچستان کی آزادی تک جاری رہیں گے۔
