کیچ سے ایک نوجوان کو سیکورٹی فورسز گرفتار کرکے جبری طور پر لاپتہ کردیا ہے جبکہ ہرنائی سے ایک لاش برآمد کرلی گئی ہے۔
آمدہ اطلاعات کے مطابق کیچ سے پاکستانی فورسز اور خفیہ اداروں کے اہلکاروں نے چھاپہ مار کر ایک نوجوان کو گرفتار کرکے نامعلوم مقام پہ منتقل کر دیا۔
جس کی شناخت مجاہد ولد ولی محمد سکنہ تجابان سنگ آباد کے نام سے ہوگئی ہے۔
جبکہ بلوچستان کے علاقے ہرنائی سے ایک نوجوان کی لاش برآمد ہوئی ہے جس کو گولیاں مار کر قتل کیا گیا ہے۔
اطلاعات کے مطابق لاش ہرنائی کے علاقے صحرا کلی کسیاڑی میں فائرنگ کر کے ایک شخص کو قتل کیا گیا ،لیویز فورس نے موقع پر پہنچ کر لاش کو قبضے میں لیا۔
ذرائع کے مطابق نوجوان محمد بلال ولد محمد صدیق جلوانی ترین سکنہ کسیاڑی کی لاش آج صبح مقامی لوگوں کو ملی تھی جس کے بعد حکام کو اطلاع دی گئی۔
مقتول کو فائرنگ کرکے قتل کیا گیا تاہم قتل کی وجوہات معلوم نہیں ہوسکی ہے۔
لیویز فورس نے لاش قبضے میں لیکر پوسٹ مارٹم کیلئے لیبر ہسپتال پہنچایا جبکہ اس حوالے سے مزید کاروائی جاری ہے۔
