بلوچستان کے علاقے وڈھ میں فائرنگ اور خضدار و کچلاک میں روڈحادثات سے 5 افراد ہلاک ہوگئے۔
وڈھ میں نامعلوم افراد کی فائرنگ ایک شخص ہلاک ہوگیا۔
واقعہ وڈھ کے علاقہ سراچوکراس کے ایریا میں پیش آیا۔
مقامی انتظامیہ قتل کے واقعہ کے متعلق تحقیقات کررہی ہے۔
دوسری جانب خضدار میں باراتیوں کی گاڑی حادثے کی شکار ہوگئی جس سے 3 افراد ہلاک اور متعدد زخمی ہوگئے۔
خضدارکے علاقے پارکو سے کڈنی جانے والی پک اپ کو کینٹ زیرو پوائنٹ خضدار کے مقام پرالمناک واقعہ حادثہ پیش آیا۔
پک اپ گاڑی حادثے کے شکار3 افراد ہلاک اور متعدد شدید زخمی ہوگئے۔
زخمیوں کی تعداد زیادہ بتائی گئی ہے۔
ٹراما سینٹرخضدارمیں اسٹاف کی کمی وجہ سے زخمیوں کو بروقت صحیح معنوں میں طبی امداد نہیں ملی اور انہیں سخت شواری کا سامنا کرناپڑا۔
زخمیوں میں چھوٹے بچے اور خواتین بھی شامل ہیں۔
علاوہ ازیں کچلاک میں کنٹینر کی ٹکر سے موٹر سائیکل سوار ہلاک ہوگیا ۔
گزشتہ روز کوئٹہ کے نواحی علاقے کچلاک بائی پاس پر تیز رفتار کنٹینر کی ٹکر سے ایک موٹر سائیکل سوار ہلاک ہوگیا ۔
نعش ہسپتال منتقل کردی گئی جس کو ضروری کارروائی کے بعد ورثاءکے حوالے کردیا گیا۔
مزید کارروائی کچلاک انتظامیہ کررہی ہے۔
