بلوچستان کے ساحلی شہر پسنی میں سی ٹی ڈی اہلکار کی جانب سے شہری کی اراضی پر زبردستی مبینہ قبضہ کے خلاف متاثرین پسنی پریس کلب پہنچ گئے۔
پسنی ریکپشت وارڈ نمبر 7 کے رہائشی حفیظ بلوچ،مبارک زہرو،قمبرطارق اور پیرمحمد نے پسنی پریس کلب میں کانفرنس کرتے ہوئے کہا کہ کائونٹر ٹیرزم ڈیپارٹمنٹ(سی ٹی ڈی) اہلکار اپنے ادارے کی دھمکی دیکر غریب شہری کی اراضی پر زور زبردستی قبضہ کررہا ہے۔
انھوں نے کہا کہ اس سلسلے میں متاثرین نے تحصیلدار پسنی سے بھی رابطہ کیا لیکن اُنکی جانب سے کوئی اقدام نہیں اُٹھایا گیا۔
پریس کانفرنس سے خلاط کرتے ہوئے انھوں نے سی ٹی ڈی کے اعلیٰ حکام سمیت ڈپٹی کمشنر گوادر سے اپیل کی ہے کہ وہ اس سلسلے میں متاثرین کی داد رسی کریں اور مذکورہ سی ٹی ڈی اہلکار کے خلاف فوری کارروائی عمل میں لائی جائے۔
انہوں نے آخر میں کہا کہ سی ٹی ڈی اہلکار ہمیں نقصان دینے کی دھمکی دے رہی ہے اگر ہمیں کچھ ہو اتو اسکی ذمہ دار ادارہ ہوگا۔
