بلوچستان لبریشن فرنٹ( بی ایل ایف ) کے ترجمان میجر گہرام بلوچ نے میڈیا کو جاری کردہ اپنے بیان میں آواران اور وڈھ میں پاکستانی فوج اور معدنیات لے جانے والی گاڑیوں پر حملوں کی ذمہ داری قبول کرلی ہے۔
ترجمان نے کہا کہ بلوچستان لبریشن فرنٹ کے سرمچاروں نے پچیس جنوری کیو آواران، کولواہ کے علاقہ کنیچی میں قائم قابض پاکستانی فوجی کیمپ پر حملہ کیا، جس کے نتیجے میں قابض فوج کو جانی و مالی نقصان اٹھانا پڑا۔
انہوں نے کہا کہ اس کارروائی کی مکمل ویڈیو ریکارڈ کی گئی ہے، جو تنظیم کے میڈیا چینل ’’آشوب‘‘ پر شائع کی جائے گی۔
ان کا کہنا تھا کہ سرمچاروں نے پچیس جنوری کو وڈھ کے علاقے دریجی میں قیمتی پتھر لے جانے والی دو گاڑیوں کے ٹائروں کو برسٹ کر کے انہیں نقصان پہنچایا۔
بیان میں کہا گیا کہ بلوچستان لبریشن فرنٹ آواران، میں قابض فوج پر اور وڈھ میں معدنیات لے جانے والی گاڑیوں پر حملوں کی ذمہ داری قبول کرتی ہے۔
