بلوچستان کے ضلع پنجگور میں گزشتہ رات مسلح افراد کی بڑی تعداد نے شاہراہ پر ناکہ بندی کی، جبکہ ضلع کچ کے علاقے تمپ میں مسلح افراد نے پولیس پر فائرنگ کی۔
ذرائع کے مطابق پنجگور کے علاقے سوراپ میں گزشتہ شب مسلح افراد نے سی پیک روڈ پر تقریباً دو گھنٹے تک ناکہ بندی کر کے گاڑیوں کی سنیپ چیکنگ کی۔
اس دوران مسلح افراد نے ایک کمپنی کی دو گاڑیوں پر فائرنگ کی، جس سے گاڑیوں کو نقصان پہنچا۔
دوسری جانب ضلع کیچ کے علاقے تمپ میں مسلح افراد نے ڈیوٹی پر مامور پولیس اہلکاروں پر فائرنگ کی، تاہم اس سے کسی قسم کے نقصان کی اطلاع نہیں ملی۔
ان حملوں کی ذمہ داری تاحال کسی تنظیم نے قبول نہیں کی ہے۔
