بلوچ یکجہتی کمیٹی ( بی وائی سی )کے سربراہ ڈاکٹر ماہ رنگ بلوچ سمیت دیگر اسیران رہنمائوں بیبو بلوچ ،صبغت اللہ شاہ جی، بیبرگ بلوچ اور گلزادی بلوچ کی ریمانڈ میں مزید 15 دن کی توسیع کردی گئی۔
آج بروز جمعرات کو کوئٹہ کے انسداد دہشتگردی عدالت نے بلوچ یکجہتی کمیٹی (بی وائی سی) کے رہنمائوں کو چھٹی بار مزید 15 دن کے ریمانڈ پر بھیج دیا گیا۔
ذرائع کے مطابق یہ مسلسل چھٹا موقع ہے کہ انہیں ریمانڈ پر بھیجا گیا ہے، تاہم پچھلے 5 ریمانڈز کے دوران نہ تو کوئی تفتیش کی گئی اور نہ ہی کوئی الزام ثابت ہو سکا ہے ۔اس پر مستزادعدالت کو مذکورہ ریمانڈ زکے اپ ڈیٹس بھی نہیں فراہم نہیں کئے گئے اور نہ ہی عدالت نے طلب کئے۔
بلوچ یکجہتی کمیٹی (بی وائی سی) کی رہنما ڈاکٹر ماہ رنگ بلوچ کو 22 مارچ کو بلوچستان یونیورسٹی کے باہر جبری گمشدگیوں کے خلاف دھرنے کے دوران حراست میں لیا گیا تھا۔
گرفتاری کے بعد ان پرتھری ایم پی او آرڈیننس کے تحت مقدمات درج کیے گئے ہیں۔
پولیس نے الزام لگایا کہ مظاہروں کے دوران ہسپتال میں توڑ پھوڑ کی گئی اور کچھ افراد پر تشدد ہوا۔
بین الاقوامی تنظیمیں جیسے Front Line Defenders اور Amnesty International ڈاکٹر ماہ رنگ بلوچ کی فوری اور بلاشرط رہائی کا مطالبہ کر رہی ہیں۔
ان کا کہنا ہے کہ انسانی حقوق کارکنان کے خلاف مقدمات سیاسی اور غیر منصفانہ ہیں۔
آج ڈاکٹر ماہ رنگ، صبغت اللہ شاہ جی، بیبو بلوچ ،بیبرگ بلوچ اور گلزادی بلوچ کو ایک بار پھر عدالت میں پیشی تھی تاہم جج نے ایک بار پھر انہیں 15 دن کے ریمانڈ پر بھیج دیا۔
