بلوچستان کے کوہ سلیمان کے علاقے تونسہ شریف میں گزشتہ رات آغوش ہوٹل کے قریب واقع ایک اسٹوڈنٹ چوبارے پر پاکستانی فورسز نے چھاپہ مارکر 3 نوجوانوں کوحراست میں لیکر جبری طور پر لاپتہ کر دیا ہے۔
لاپتہ ہونے والوں کی شناخت جمعہ خان مٹھوانی، محمد خان چاکرانی اور فرسٹ ائیر کا طالبعلم افتخار احمد چاکرانی کے ناموں سے ہوگئی ہے۔
مقامی ذرائع کے مطابق یہ نوجوان تونسہ شہر میں تعلیم اور رہائش کی غرض سے مقیم تھے۔ تینوں افراد کا تعلق کوہ سلیمان کے بزدار قبیلے سے بتایا جاتا ہے۔
عینی شاہدین کے مطابق رات گئے نامعلوم افراد نے جو کہ فورسز کی کالی وردیوں میں ملبوس تھے اچانک چوبارے پر دھاوا بولا اور مذکورہ افراد کو زبردستی اپنے ہمراہ لے گئے۔
واقعے کے بعد علاقے میں خوف و ہراس پھیل گیا جبکہ اہل خانہ اور مقامی لوگوں نے شدید تشویش کا اظہار کرتے ہوئے فوری بازیابی کا مطالبہ کیا ہے۔
