بلوچستان لبریشن فرنٹ کے ترجمان میجر گہرام بلوچ نے اپنے ایک بیان میں کولواہ میں پاکستانی فوج کو بم حملے میں نشانہ بنانے کی ذمہ داری قبو ل کرلی۔
میڈیا کو جاری کردہ بیان میں ترجمان کا کہنا تھا کہ چوبیس مئی 2025 کو صبح 9 بجے بلوچستان لبریشن فرنٹ کے آزادی پسند سرمچاروں نے کولواہ،گیشکور کے علاقہ ساجدی بازار میں اس وقت بم دھماکہ کرکے پاکستانی فورسز کو نشانہ بنایا جب دشمن فورسز کے چار اہلکار فوجی گاڑیوں کی سیکیورٹی کے لیے روڈ کی اسکریننگ کرتے ہوئے وہاں پہنچے جہاں پہلے ہی سے موجود سرمچار بم نصب کرکے ان کا انتظار کر رہے تھے۔ بم دھماکہ سے دو فوجی اہلکار موقع پر ہی ہلاک اور دو شدید زخمی ہو گئے۔ ہلاک ہونے والے فوجیوں میں ایک نائیک ولی سجان شامل ہے جو نوشہرہ کا رہائشی تھا۔
واضح رہے کہ قابض پاکستانی فوج اور دوسرے سکیورٹی فورسز بلوچستان بھر میں سرمچاروں کے ساتھ لڑائی میں مارے جانے والے فوجیوں کے نام اور تعداد اکثر چُھپاتے ہیں۔
ان کا کہنا تھا کہ بلوچستان لبریشن فرنٹ کولواہ میں پاکستانی فوج پر آئی ای ڈی بم حملے کی ذمہ داری قبول کرتے ہوئے فوج میں خدمات انجام دینے والے پشتون، سرائیکی اور سندھی اہلکاروں کو مشورہ دیتی ہے کہ وہ بلوچ نسل کشی میں پنجابی جرنیلوں کا ساتھ نہ دیں اور بلوچستان میں خدمات انجام دینے سے انکار کریں۔
ترجمان نے آخر میں کہا ہے کولواہ ساجدی بازار کے مقام میں قابض پاکستانی فوج کو آئی ای ڈی بم دھماکے کی ویڈیو تنظیم کے میڈیا سیل آشوب میں جلد شائع کی جائے گی۔
