بلوچستان اسمبلی سے مائنز اینڈ منرلز بل پاس کرلی گیا ہے۔
ا س سلسلے میں جمعیت علماءاسلام کے مرکزی رہنما حافظ حمداللہ نے بلوچستان اسمبلی سے مائنز اینڈ منرلز بل کی منظوری پر کہا ہے کہ بلوچستان اسمبلی سے مائنز اینڈ منرلز بل کا پاس ہونا 18ویں ترمیم کی خلاف ورزی ہے یہ غیرآئینی قانون سازی آئین اور صوبائی خود مختاری پر حملہ ہے اور یہ بلوچستان کے معدنی وسائل پر کھلم کھلا ڈاکہ ہے۔
اپنے جاری کردہ بیان میں انہوں نے کہا کہ ستم ظریفی یہ ہے کہ ڈکیتی پی پی پی ممسلم لیگ (ن )و دیگر پارٹیوں کے ہا تھوں ہوئی ہے یہ جماعتیں خود کو 18ویں ترمیم کی خالق اور صوبائی خودمختاری کا چمپیئن سمجھتی ہیںبلوچستان کے معدنی وسائل کسی کو ہڑپ کرنے کی اجازت نہیں دی جاسکتی۔
ان کا کہنا تھا کہ اس بل کے خلاف آواز اٹھانا بلوچ پشتون عوام کی ذمہ داری ہے عوام اپنے حقوق اور وسائل کے تحفظ کےلئے اٹھیں آسمان سے کوئی مسیحا کا انتظار نہ کریں ،بل پاس کرنے والوں کو بے نقاب اور اس کا عبرتناک محاسبہ ہونا چاہئے۔
