بلوچستان کے مرکزی شہر کوئٹہ میں سیکورٹی خدشات کو بنیاد بناکر بلوچستان یونیورسٹی میں فزیکل کلاسز کو معطل کرکے آن لائن کلاسز شروع کرنے کااعلان کیا گیا ہے اس کا باقائدہ نوٹیفکیشن بھی جاری کردیا گیاہے۔
بلوچستان یونیورسٹی کے رجسٹرار آفس کی جانب سے جاری کردہ نوٹیفکیشن میں بتا یا گیا کہ یونیورسٹی کے تمام کیمپسز میں تعلیمی سرگرمیاں فوری طور پر فزیکل کلاسز سے ورچوئل لرننگ (آنلائن کلاسز) میں منتقل کر دی جائیں گی اور یہ سلسلہ اگلے احکامات تک جاری رہے گا۔
بلوچستان یونیورسٹی انتظامیہ نے ڈینز اور سیکشنل ہیڈز کے درمیان ایک اعلیٰ سطحی اجلاس کے بعد یہ فیصلہ کیا گیا۔
نوٹیفکیشن میںمزید کہا گیا ہے کہ اساتذہ کو ایم ایس ٹیمز اور لرننگ مینجمنٹ سسٹم سمیت موجودہ ادارہ جاتی وسائل استعمال کرنے کی ہدایت دی گئی ہے، انتظامی عملہ معمول کے مطابق دفاتر میں حاضری دے گا، جبکہ ڈیپارٹمنٹ ہیڈز سے ہفتہ وار رپورٹیں جمع کروانے کا کہا گیا ہے۔
واضع رہے کہ 11 مارچ کو بولان مشکاف میں جعفرایکسپریس پر اور16 مارچ کو نوشکی میں فورسز پر بی ایل اے کے ہونے والے مہلک حملوں کے بعد تمام تعلیمی ادارے خفیہ اداروں کے کڑی نگرانی میں آگئے ہیں ۔
