بلوچستان کے ضلع آواران میں نامعلوم افراد نے گندم کی تیار فصل کو آگ لگا دی ہے ۔
آواران سوراب سے تعلق رکھنے والے کاشتکار و کسان ڈاکٹر عبدالصمد میروانی کی 60 ایکڑ کی گندم کی کھڑی فصل کو نامعلوم افراد نے آگ لگا کر تباہ کردیا۔
انہوں نے کہا کہ ہر سال ہم اپنے زمینوں پر گندم کی کاشتکاری کرکے اپنے گزر بسر کرتے ہیں مگر اس سال میری تمام گندم کی فصل کو کسی نے آگ لگا کر مکمل طور پر تباہ کردیا ہے۔
انہوں نے مزید کہا کہ گندم کٹائی کرنے کے ایک جگہ جمع گندم کو تریشر کرکے صاف کیا جاتا ہے جبکہ میرے تمام گندم کے تیار فصل صرف تریشر کے لیے رہ گئے تھے مگر سب کچھ تباہ کرکے تھریشر کے لیے کچھ نہیں بچا ہے۔
انہوں نے کہا کہ ڈپٹی کمشنر آواران ، ضلعی انتظامیہ، چیئرمین میونسپل کمیٹی عابد حسین بلوچ سمیت بلوچستان حکومت وزیر اعلیٰ اور پی ڈی ایم اے سے اپیل ہے کہ محنت کش زمیندار کی بروقت نقصان کا ازالہ کیا جائے اور ذمہ داروں کا تعین کرکے ملزمان کو سزا دی جائے۔
