بلوچستان کے ضلع گوادر کے ساحلی علاقے جیونی میں ایک اور دھماکے کی اطلاعات ہیں۔
علقائی ذرائع کے مطابق اب سے کچھ دیر قبل جیونی کے علاقے پانوان میں بوائز ہائی سکول والے پولنگ اسٹیشن پر ایک اور دھماکہ ہوا ہے۔
واضح رہے اس سے قبل آج صبح پانوان ہی کے پولنگ اسٹیشن کو بم دھماکے کا نشانہ بنایا گیا تھا جبکہ ابھی ایک بار پر اسی پولنگ اسٹیشن کو دھماکے کا نشانہ بنایا گیا ہے۔
تاہم دونوں دھماکوں کے نتیجے میں کسی جانی نقصان کی اطلاع موصول نہیں ہوئی ہے
دوسری جانب پنجگور کے مختلف پولنگ اسٹیشنوں پر دھماکے ہوئے جس سے 2 افراد زخمی ہوگئے۔
پولیس کے مطابق گورنمنٹ بوائز ہائی سکول نوک آباد تسپ کے مقام پر قائم پولنگ اسٹیشن پر دو مرتبہ نامعلوم افراد نے تین دستی بم پھینکے جو زور دار دھماکوں سے پھٹ گئے۔
حملے میں دو افراد زخمی ہوئے جنکی شناخت سعود ولد بشیر احمد رحمت اللہ ولد محمد حسن کے ناموں سے ہوئی ہے۔ جنہیں طبی امداد فراہم کرنے کیلئے ٹیچنگ ہسپتال پنجگور منتقل کر دیا گیا۔
دوسری جانب گورنمنٹ بوائز ہائی سکول وشبود گوٹھ بہادر پولنگ اسٹیشن و گورنمنٹ گرلز ہائی سکول خدابادان کے قریب دھماکے ہوئے ہیں۔
دریں اثنا گورنمنٹ گرلز ہائی سکول سراوان کے پولنگ اسٹیش میں ایک دستی بم برآمد ہوا ہے۔
