بلوچستان کے ضلع کیچ کے علاقے تجابان میں پاکستانی فورسز کے ہاتھوں نوجوان کی جبری گمشدگی کے خلاف علاقہ مکینوں نے احتجاجاًسی پیک شاہراہ کو بلاک کردیا۔
مقامی میڈیا کے مطابق گزشتہ شب سیکیورٹی فورسز نے تجابان سنگ کلات میں بھاسر ولد شے حق نامی نوجوان کو گھر میں چھاپہ مار کر جبری لاپتہ کردیا جس کے خلاف آج ہفتے کو علاقہ مکینوں نے سی پیک شاہراہ ایم ایٹ پر دھرنا دے دیا ہے۔
دھرنا میں خواتین اور بچے بھی شامل ہیں جب کہ شاہراہ بند ہونے کے باعث ٹریفک معطل ہے۔
علاقائی ذرائع کے مطابق سیکیورٹی فورسز نے ہوشاپ میں بھی گزشتہ شب چھاپہ کے دوران دو نوجوان لاپتہ کیے ہیں جن کے نام تاحال معلوم نہیں ہوسکے ہیں۔
