بلوچستان لبریشن فرنٹ نے دشت نلی کور میں پاکستانی فوج کے آپریشن کو پسپا کردیا۔ جھڑپ میں 4فوجی اہلکار ہلاک اور متعدد زخمی ہوئے ہیں۔
بلوچستان لبریشن فرنٹ کے ترجمان میجر گہرام بلوچ نے نامعلوم مقام سے میڈیا کو جاری بیان میں کہا ہے کہ گذشتہ روز 30ستمبربروز جمعہ ساڑھے سات بجے سرمچاروں نے ضلع کیچ کے علاقے دشت کے نلی کور میں پاکستانی فوج پر اس وقت گھات لگا کر حملہ کیا جب دشمن فورسز اپنی جاری فوجی جارحیت کو وسعت دے کر ان علاقوں میں گھس آئی تھی۔ سرمچاروں نے خودکار بھاری ہتھیاروں سے قابض پاکستانی فوج پر حملہ کیا جس سے 4 فوجی اہلکار موقع پر ہلاک جبکہ کئی زخمی ہوئے ہیں۔
حملے کے فوراً بعد شکست خوردہ دشمن فوج کی مدد کے لیے گن شپ ہیلی کاپٹر آ پہنچے۔
انہوں نے مزید کہاکہ دشت کے علاقے مزن بند میں گزشتہ آٹھ روز سے پاکستانی فوج کا آپریشن جاری ہے۔ دشت،بل نگور،تمپ کی طرف بھی پاکستانی فوج کی بڑی تعداد موجود ہے۔
مذکورہ علاقوں میں پاکستانی فوجی جارحیت کا سلسلہ تیزی کے ساتھ جاری ہے۔ جھڑپ میں دشمن فورسز کو شکست دینے کے بعد سرمچار بہترین گوریلہ جنگی حکمت عملی اپناتے ہوئے اپنے محفوظ ٹھکانوں میں پہنچ گئے۔
