سی پیک کاحب کہلانے والے بلوچستان کے ساحلی ضلع گوادر کے علاقوں سنٹ سر، کلاتو، گبد اور گرد نواح کے علاقہ مکنیوں نے پانی بحران و دیگر مسائل کے حل کیلئے مکران کوسٹل ہائی وے کو ایران بارڈر کے قریب گبد کراس کے مقام دھرنا دیکرپر احتجاجا بند کردیاہے۔
احتجاج کرنے والوں کے مطالبات میں پانی اور بجلی کی فراہمی، منشیات کا خاتمہ، آزادانہ بارڈر ٹریڈ سمیت دیگر مطالبات شامل ہیں۔
احتجاجی دھرنے کی قیادت علاقے کے معتبر شخصیت اور سابق وائس چیئرمین گوادر نعمت اللہ ہوت کررہے ہیں اور سینکڑوں لوگ شریک ہیں۔
روڑ بلاک کے باعث دونوں اطراف گاڑیوں کی لمبی قطاریں بن گئی ہیں جس میں مال بردار اور مسافر گاڑیاں شامل ہیں۔
