بلوچستان کے علاقے مستونگ اور چاغی میں فائرنگ کے دو مختلف واقعات میں 2افراد ہلاک ہوگئے۔
مستونگ میں کلی کاریز سور میں گھر کے سامنے نامعلوم مسلح افراد کی فائرنگ سے حاجی محمدابراھیم شاہوانی نامی شخص ہلا ک ہوگیا۔جبکہ حملہ آور موقع واردات سے فرار ہو گئے۔
لاش کو ضروری کارروائی کے لئے شہید نواب غوث بخش رئیسانی ہسپتال منتقل کردیا گیا۔
جہاں ضروری کارروائی کے بعد لاش ورثاکے حوالے کر دیا گیا۔
ورثاء نے لاش کو ڈپٹی کمشنر مستونگ کے ہاؤس کے سامنے قومی شاہراہ پر رکھ کر احتجاج شروع کردیاجو ہنوز جاری ہے۔
ڈی سی ہاؤس کے سامنے دہرنا اور احتجاج سے روڈ کے دونوں جانب سینکڑوں گاڑیاں اور مسافر پنس گئے جنہیں سخت گرمی میں پریشانی کا سامناکرنا ہے۔
مقتول کے ورثا کا کہنا ہے کہ ہمارا کسی کے ساتھ کوئی دشمنی نہیں ہے اور بار بار ایسے واقعات رونما ہورہے ہیں،اور نااہل انتظامیہ ملزمان کو گرفتار کرنے سے ہی قاصر ہے۔
انہوں نے کہاکہ جب تک انتظامیہ قاتلوں کو گرفتار نہیں کرتی تب تک لاش کے ہمراہ ڈی سی ہاؤس کے سامنے دہرنا جاری رہے گا۔
دوسری جانب چاغی اور ماشکیل کے درمیانی ایریا میں نامعلوم مسلح ڈاکوؤں کے فائرنگ سے تحصیل چاغی کے رہائشی ہلاک ہوگیا۔
جس کی شناخت عبدالغنی لیوارزئی ولد مولوی عبدالرشید کے نام سے ہوگئی۔
لاش کو پوسٹ مارٹم کے بعد ورثاکے حوالے کردیا گیا۔
