بلوچستان کے افغان سرحدی شہر چمن میں پاکستانی سیکورٹی فورسز نے دعویٰ کیا ہے کہ ایک کارروائی کے دوران کالعدم تنظیم ٹی ٹی پی سے تعلق رکھنے والے 2 اہم افراد کو گرفتارکرلیا گیا ہے جن کے قبضے سے خودکش جیکٹس سمیت گولہ بارود برآمد کئے گئے ہیں۔
سیکورٹی فورسز ذرائع کے مطابق سیکورٹی فورسز نے چمن میں خفیہ اطلاع کی بناپر کارروائی کرتے ہوئے کا لعدم تنظیم تحریک طالبان پاکستان کے دو اہم شدت پسندوں کو گرفتار کرلیاہے۔
سیکورٹی فورسز حکام کے نے دعویٰ کیا ہے کہ گرفتار دونوں ملزمان نے افغانستان میں واقع سپین بولدک کے طور آغا نامی ٹی ٹی پی کمانڈر کے تحت جماعت الاحرار، ٹی ٹی پی سے اپنی وابستگی کا اعتراف کیا ہے۔
فورسز ذرائع کے مطابق گرفتارملزمان نے 27 جنوری 2022کو چمن میں ایک لیویز کانسٹیبل کے قتل اور 4 فروری022 2 کو چمن میں لیویز پارٹی پر گرینڈ حملوں میں میں ملوث ہونے کا اعتراف کیاہے۔
سیکورٹی فورسزدعویٰ کیا ہے کہ گرفتارملزمان کے قبضے سے 4 خودکش جیکٹس،10 کلوگرام دھماکہ خیز مواد،2ہینڈ گرینڈ، 3بنڈل پرائما کارڈ،8آئی ای ڈی کنٹرولر، 2ریموٹ کنٹرول، 4سیل، 10ڈیٹونیٹر، ایس ایم جی کے 100جبکہ پسٹل کے 90راؤنڈ، 1مکسر اور 1باکس برآمد کرلیا گیاہے۔
فورسز ذرائع کے مطابق گرفتار ملزمان کے خلاف مقدمہ درج کرکے انہیں تفتیش کے لئے نامعلوم مقام پر منتقل کردیا گیا ہے اور مزید کارروائی جاری ہے۔
