ورناتا قربان مریو کہ تینا جوانی ، شوخ ،خوشی تے زند ئنا قربان کریسا ، وطن نا رکھینگ کیں ، بلاہ تا مونا سلوک آخری دم ئسکان صف بند سلوکو ، دشمن ہندو زہنی مریضے کہ تپک اراکاں بسونوٹ ارانگ کاؤ ، اونا طاقت ، اونا ٹینک آک اونا سلاح آک کُل ، بےکارو ، وطن نا چناتا مونا ہندو بزہو ، کہ اینو 3 دے گدارینگانے ہنگا ورناک جنگے تورینو ہنگا مُستی ہندا وڑ اٹ بہادر آک توریراتا۔
وطن نا ساہ سدخیک ، نوشکی او پنجگور اٹی اسے وخت آ سر مسور او جنگے شروع کریر ، دشمن نا کیمپ اٹی پیہار او نوشکی ٹی 10 فوجی جنگی قیدی کریر ، او فدائی تینا کمانڈر توں ہیت کریسا پائک 5 تاں اوارسوار مریک گڑا 5 یے تا تینٹ خلکر ، ہمو دشمن کہ تینا تعریف کرنگ اٹ دم درینگ پک ، کہ ای دا وڑ طاقتور اٹ ، ای فلانی توں جنگ کیوا ، ہر وخت انڈیا ، اسرائیل توں جنگ ئنا پائک ، دا ہیت حقیقت ئے کہ ننا جہد کار آتا ہمت حوصلہ دنیا نا ہر طاقت آن موناٹے ، ننا جہد کار آتا مونا ہر طاقت بے وسے ۔
نوشکی ٹی فدائی ٹپی ئے او ہمت اٹ تینا ہیت آتے کریساٹے کہ ای سُم کنگو نوٹ دشمن نا حقیقت ئے مونا ہتیسا ٹے او کلے ہیت آتے صاف کریسا ٹے کہ دشمن نا کیمپ اٹی پیہانو، او دشمن دیچا ارا درخچ او دیوال نا ماسا کُر کریسا تینے ساہے ڈکانے ، او مونا برنگ نا سوچے ہم خلنگ کپک ، ہمو دنیا نا (نام نہاد) نمبر 1 فوج کہ ہر وخت تینا بہادری نا ہیت آتے کیک ، معصوم آ بندغ آتے خلیک بلئے وخت ئس کہ او سرمچار آتو مون پہ مون مریک ، او اسے سُم ئس خاخر ترنگ کپک ۔
نوشکی ئٹی تیوغا شام جنگ چلیک ، سرمچار آک ، دشمن نا 100 فوجی آن زیات خلیرآ ، ایف سی ہیڈکواٹر نا بلو ٹُکر ئس تباہ کیرا ، حالنکہ دشمن نا نمائندہ آک پارہ کہ اوفتے تہٹی پیہنگ کیں الے تنو ، بلئے مخلوق نا جند پائک کہ ننا بندغ آک خلنگ مسونو ، اوفتا فوٹو تے ، فیسبک او ٹویٹر آ شنگ کرینو ، دشمن پتک ارا وڑ ئٹ تینا بدنامی ئے ڈکیو دشمن جاہ ئس پائک کہ داخس بندغ خلنگ مسونے ، پین جاہ ئس پائک داخس خلنگ مسونے ، اخس کے حقیقت موناٹے ، ڈکنگ مفک ۔
نوشکی ئٹی فدائین سرمچار آک تینا آخری کو سُم تے تینے خلیرا او شہادتے قبول کیرا ، بلئے پنجگور ئٹی جنگ دے اینو اسکان جاری ئے فدائیں سلامتو ، دشمن نا مونا سلوکو ، وار وارآ اوفتا کُلوہ او پیغام آک راجے او پورہ دنیائے سر مرنگو ، پنجگور ئٹی دشمن بازار ، دکان تے کُلے بند کرینے ، کس اسے ہم ڈنا النگ ئٹی افک ، نئے کہ سرمچار آتا مونا ہننگ کیں تیار ئے ، دسکاں ہیڈ کواٹر ئٹی نت تخنگ کپک ، منہ SSG کمانڈو ہنانو تہٹی اوفتے فدائین خلکونو ۔
پنجگور نا فدائین آ سنگتے کمانڈر جست کیک ، کہ جنگ داخہ وخت چلنگ ئٹی ئے ، بینگونی ملاسی ، یا کہ تُغ ئنا مسئلہ ؟ او مخیسا کیک او پائک کہ ننے ہچ ئنا پرواہ افک ، زمین نا مہرے ، واقعی زمین نا مہرے کہ نُمے دنُو توکل بشخانے دنُو ہمت دنو ایمان بشخانے ، کہ اینو بےوس آ راج مرادی ئے کہ اونا دشمن تے خلنگ ئٹی اُرے ، اوفتا دوٹی قران ئے کہ نُمکیں دعا کرنگ ئٹی او ۔
دشمن ہر وخت کہ خلنگ مریک تینا خارے عام آبادی او غریب بے وس آ مخلوق آ کشیک ، ہندو اسے وار ئس پدا مرنگ ئٹی ئے دشمن تینا کروکا کاریم تے اسے وار ئس پدا کرنگ ئٹی ئے ، پنجگور ئٹی ہمو دے آ کہ حملہ مس اس ، ہمو دے ئنا دے آ 7 بندغ ہلکس اوفتاں 2 ئے شہید کریس اس ، نوشکی ئٹی ہم ہلکونے ، باز جاہ آن ہلیسا دریساٹے ، ہندو گُمان مریک کہ دا بے گناہ آتے خلیک او سرمچار کرار ہیتک ۔
مجید برگیڈ دائسکاں پارنگ ئٹی ئے کہ دشمن نا 75 آن زیات بندغ خلنگانے ، 2 جانز ہم خلنگانے ، بکتربند آک ہم تباہ مسونو ، فدائی تو حال احوال مرنگ ئٹی ئے او پارنگ ئٹی او نن انتظار ئٹ تولوکوں کہ ارا وخت بریر ، جانز آتے کین گولہ بارود مُچ کرینوں ، بس انتظارت بلئے ہمت ئٹی افس دشمنک کہ بریر ننا مقابلہ ئے کیر ، دشمن اخس کہ داوہ کرنگ ئٹی ئے کُل دروغو ، چِرک کریسا پائک نمبر 1 فوج تینا لاش آتے چست کننگ کرنگ ئٹی افک ۔
قوم تو تینا ہیرو تے ہر وخت یاد کیک ، ہر وخت اوفتا قصہ آتے کیک ، ارا کہ حق اکین جنگ کیرا او استان درنگ مفسہ ، اوفتا راج ئتو اوار اوار ، مُچہ دنیا اوفتے جوانو لوز آتے ٹی یاد کیک ، بلئے نوشکی او پنجگور ئٹی سنگت آک دشمن ئے ہندو کرینو کہ دا کنا ایمانے دشمن نا نسل آک یاد کیرا کہ ننا مون امر آ مرید آتو تمانے کہ دا دنیا غان او تینا ساہ تیاں آن اُست ہرفیساٹ بسونو ننتو مون مقابلو ۔ دشمن ئے خبر مرے کہ ارا کہنگ کہ بسونو اوفتا مقابلہ کرنگ دروغ ئسے ۔
