پشتون تحفظ موومنٹ کے سربر اہ منظور پشتین بلوچستان میں پی ٹی ایم کے جلسے کے بعد واپس جارہے تھے کہ بادنزئی کے مقام پر پولیس نے ان کی گاڑی پر فائرنگ کر دی۔
پولیس کی فائرنگ سے پی ٹی ایم بلوچستان کے کوارڈینیٹر نورباچا زخمی ہوگئے۔جسے فوری طور پر ہسپتال منتقل کردیا گیا۔
عینی شایدین کے مطابق پولیس کی جانب سے منظور پشتین کو گرفتار کرنے کی کوشش پر حالات کشیدہ ہوگئے۔
پی ٹی ایم کے کارکنان کی بڑی تعداد بادنزئی کی طرف روانہ ہوگئی ہے جبکہ کئی کارکنان نے منظور پشتین کواپنے حصار میں لے رکھا ہے اور روڈ بلاک کرکے احتجاج کررہے ہیں۔جس کی وجہ سے ٹریفک معطل ہے۔
بعض غیر مصدقہ ذرائع منظور پشتین کی گرفتاری کا دعویٰ بھی کر رہے ہیں۔
مذکورہ واقعہ کے حوالے سے ابھی تک حکومتی موقف سامنے نہیں آیا ہے۔
منظور پشتین ارمان لونی کے تیسری برسی کے اجتماع میں شرکت کے بعدواپس جارہے تھا کہ یہ واقعہ پیش آیا ہے۔
