چار سالوں سے لاپتہ محمد شریف کی اہلخانہ کو انکی زندگی کے حوالے سے شدید تشویش لاحق ہیں۔
محمد شریف ولد دادالرحمان کا تعلق ضلع آواران کی تحصیل مشکے کھنڈری سے ہے۔
اہلخانہ کے مطابق محمد شریف کو19 فروری 2018 کو دوران سفر خضدار کی تحصیل زہری سے پاکستانی سیکورٹی فورسز اور خفیہ اداروں کے اہلکاروں نے اس وقت گرفتار کرکے جبری طور پر لاپتہ کردیا جب وہ اپنے علاج کے سلسلے میں کوئٹہ جارہے تھے۔
اہلخانہ کولاپتہ محمد شریف کی گزشتہ چار سالوں سے گمشدگی پر ان کی زندگی کے حوالے سے شدید تشویش لاحق ہں کہ ایسا نہ ہوکہ انہیں کسی جعلی مقابلے میں دیگر لاپتہ بلوچ اسیران کی طرح شہید کیا گیا ہو۔
انہوں نے تمام انسان دوست اداروں سے اپیل کرتے ہوئے کہا کہ لاپتہ شریف کی بازیابی کے لیے آواز بلند کریں اور ہمارے غم وپریشانیان دور کرنے میں کردار ادا کریں تا کہ لاپتہ شریف کو ریاستی اداروں کی طرف سے منظر عام پرلایا جائے اور ان کی بازیابی یقینی ہوجائے۔
