ما جِندے برات اون دست ءِ وت کُشتگاں تہنائی ءَ
لیب ءُ لیب ءَ اوست ءُ اُمّیت پُرشتگاں تہنائی ءَ
جنگ جاہ بے تو ابِتک اَنت سرمچنڈیں ساچو
بیدئے تو ماں سنگراں چو نشتگاں تہنائی ءَ
ڈنکے آ شیر زالیں ناز ءَ نام ءِ نوک کُت ءَ
برمش ھزار ماتاں پہ ڈیھ رودینتگاں تہنائی ءَ
کوہ گرداں جنگ جاہ ءَ پہ مڑاھے جنگ کُتگ
باز شہید ءِ ھون ءِ ترمپ ترمپ رتکگاں تہنائی ءَ
من دور ءُ گِستا مہروانیں ھمبل ءُ ھم مکتباں
کہ زند ءِ شوھاز گرانیں مکتب ونتگاں تہنائی ءَ
