بلوچستان کے علاقے نوشکی میں مسلح افراد نے دکان میں گھس کر فائرنگ کرکے ہندو تاجر کو قتل کردیا جبکہ تربت میں دشت ایم ایٹ شاہراہ پر کار گاڑی اور موٹر سائیکل میں تصادم سے ایک شخص ہلاک ہوگیا۔
نوشکی سے اطلاعات ہیں کہ مسلح ڈاکوؤں نے دکان کے اندر گھس کر فائرنگ کرکے ہندو تاجر کو قتل کردیا۔
کہا جارہا ہے کہ واقعہ نوشکی بازار قادر آباد اسٹاپ کے قریب پیش آیا جہاں مسلح ڈاکوہندو تاجر کے دکان کے اندر داخل ہوگئے اور ہاتھا پائی کے دوران فائرنگ سے ہندو تاجر راکیش کمار قتل ہوگئے۔
فائرنگ واقعہ کے بعد مسلح ڈاکو فرار ہونے میں کامیاب ہوگئے ۔
پولیس نے مزید تفتیش شروع کردی۔
دوسری اجنب ضلع کیچ کے مرکزی شہر تربت کے دشت کے علاقے میں ایم ایٹ شاہراہ پر کار گاڑی اور موٹر سائیکل کے درمیان تصادم کے نتیجے میں موٹر سائیکل سوار موقع پر ہی ہلاک ہوگیا۔
ذرائع کے مطابق حادثے میں موٹر سائیکل سوار قادر بخش ولد واجداد، سکنہ گھنہ پھلانی موقع پر دم توڑ گئے۔
حادثے کی وجوہات تاحال معلوم نہیں ہوسکیں، جبکہ واقعے سے متعلق مزید معلومات اکٹھی کی جا رہی ہیں۔
