بلوچستان کے علاقے ڈیرہ مراد جمالی میں ایک انٹر نیشنل این جی او کے آفس میں ایک مسلح شخص نے گھس کر پورے عملے کو کئی گھنٹوں تک یرغمال بنائے رکھا ۔
دعویٰ کیا کہا جارہا ہے کہ مسلح شخص کی فائرنگ سے آفس کا ایک ورکر ہلاک ہوگیا اور فورسز نے سرچ آپریشن کرکے مسلح شخص کو گرفتار کرکے نا معلوم مقام پر منتقل کردیا ہے۔
پولیس کے دعوے مطابق ڈیرہ مراد جمالی سید عبداللہ شاہ ٹاون میں قائم انٹر نیشنل این جی او کے آفس میں ایک نا معلوم مسلح شخص نے گھس کر پورے عملے کو یرغمال بنا لیا جس کی اطلاع پا کر پولیس، اے ٹی ایف سمیت دیگر قانون نافذ کرنے والے اداروں کے بھاری نفری موقع پر پہنچ گئی اور دفتر کو گھیرے میں لے لیا۔
پولیس کا کہنا ہے کہ مسلح شخص نے فائرنگ کر کے این جی او میں کام کرنے والے پلمبر محمد اکبر بھٹو کو قتل کر دیا ۔
اس دوران پولیس اور مسلح شخص کے درمیان وقفہ وقفہ سے فائرنگ کا سلسلہ کئی گھنٹوں تک جاری رہا تاہم پولیس نے بڑی کارروائی کرکے مسلح شخص کو گرفتار کرکے یرغمالیوں کوبازیاب کرلیا۔
پولیس نے گرفتار شخص کو تفتیش کیلئے نامعلوم مقام پرمنتقل کردیا۔
