بلوچستان کے صنعتی شہر حب کے علاقے ساکران میں بلوچ اسٹوڈنٹس ایکشن کمیٹی کے زیر اہتمام انٹریکٹیو سیشن اور کتاب میلے کا انعقادکیا گیا۔
اس سلسلے میں بلوچ اسٹوڈنٹس ایکشن کمیٹی (بساک ) نے سوشل میڈیا پلیٹ فارم ایکس پر اپنے ایک پوسٹ میں کہا ہے کہ حب کے علاقے ساکُران بساک حب زون کی جانب سے بلوچ لٹریسی کیمپئین کے نام سے ایک انٹریکٹیو سیشن کا انعقاد کیا گیا۔
سیشن مختلف سیگمنٹس پر مشتمل تھی جن میں تعلیم کی اہمیت پر تقاریر، بی ایل سی پریزنٹیشن، پینل ڈسکشن، عوامی آگاہی سیشن، ڈرامہ، ایجوکیشنل واک سمیت بلوچستان کتاب کاروان کے نام پر کتاب میلہ شامل تھے۔
سیشن میں بچوں سمیت علاقے کے نوجوانوں اور عوام نے شرکت کی اور ایسے تعلیمی سرگرمیوں کو سراہتے ہوئے اس مہم کو جاری رہنے کی درخواست کی۔
بلوچ لٹریسی کیمپین تنظیم کی جانب سے بلوچستان کے تعلیمی مسائل پر ایک مہم ہے جہاں بلوچستان کے تعلیمی بحران پر آگاہی سیشن، مظاہرے و تعلیمی اداروں کا دورہ سمیت دیگر سرگرمیاں کی جاتی ہیں۔
