بلوچ نیشنل موومنٹ ( بی این ایم ) نے 13 نومبر یوم بلوچ شہداء کی مناسبت سے مختلف تقریبات کے انعقادکا اعلان کیا ہے۔
ترجمان کی جانب سے جاری کردہ ایک بیان میں کہا گیا کہ تیرہ نومبر ، یوم بلوچ شہداء کی مناسبت سے تقریبات منعقد ہونگے۔
بیان میں کہا گیا کہ تیرہ نومبر کو بلوچ شہداء کو یاد کرنے اور ان کی قربانیوں کو خراج تحسین پیش کرنے کے لیے بلوچ نیشنل موومنٹ ( بی این ایم ) کے تمام ھنکین اور چیپٹرز تقریبات کا انعقاد کریں گے۔
ترجمان کا کہنا تھا کہ اس دن وہ ہزاروں بلوچ شہید یاد کیے جائیں گے جنھوں نے بلوچستان کی آزادی اور بلوچ کے خوشحال مستقبل کے لیے اپنے سروں کا نذرانہ پیش کیا۔
انہوںنے کہا کہ بی این ایم کے ’صفحہ شہداء ‘ ( شھمیرانی تاک ) کی طرف سے تیرہ نومبر کی مناسبت سے سوشل میڈیا پر شہداء کے بارے میں مواد شائع کیے جائیں گے۔
