بلوچستان کے ساحلی ضلع اور سی پیک مرکز گوادر شہر گوادر شہر سے 25 کلو میٹر دور فاصلے پر واقع علاقے سربندر میں نامعلوم مسلح افراد نے فش ہاربر جیٹی کے قریب ایک رہائشی کوارٹر پر حملہ کر کے7 افراد کو ہلاک کردیا۔
مذکورہ حملے میں ایک شخص زخمی ہو گیا۔
کہا جارہا ہے کہ ہلاک کیے جانے والے افراد سوئے ہوئے تھے کہ انہیں فائرنگ کرکے ہلاک کیا گیا۔
پولیس نے بتایا کہ لاشیں اور زخمی افراد کو گوادر ہسپتال منتقل کر دیا۔
سینئر سپرنٹنڈنٹ آف پولیس (ایس ایس پی) گوادر کے مطابق گوادر فش ہاربر جیٹی کے قریب رہائشی مکان پر حملہ رات 3 بجے کیا گیا۔
ہلاک و زخمی افرادکا تعلق پنجاب کے ضلع خانیوال سے بتایا جارہاہے، جو سربندر میں حجام کی دکان میں کام کرتے تھے۔
اب تک اس حملے کی ذمہ داری کسی تنظیم نے قبول نہیں کی ہے۔
