بلوچ لبریشن آرمی کے ترجمان آزاد بلوچ نے میڈیا کو جاری کردہ اپنے ایک پریس ریلیز میں کیچ میں موبائل فون ٹاور پر حملے کی ذمہ داری قبول کرلی ہے۔
ترجمان کا کہنا تھا کہ ہمارے سرمچاروں نے گزشتہ شب 12 بجے کیچ کے علاقے گہبن کلاتوک میں جاسوسی کے مقصد سے نصب یوفون کمپنی کے ایک ٹیلی کام ٹاور پر حملہ کرکے اسے مشینری سمیت ناکارہ کردیا۔ یہ ٹاور علاقے میں پاکستانی فوج و خفیہ اداروں کیلئے جاسوسی کے طور پر استعمال ہورہا تھا۔
انہوں نے کہا کہ ہمارے اس طرح کے حملے مقبوضہ بلوچستان کی آزادی تک جاری رہیں گے۔
