نصیر آباد کے علاقے ڈیرہ مراد جمالی میں پولیس تھانہ منگولی کی حدود میں بیر چوکی کے قریب زیر تعمیر بائی پاس پر بم دھماکہ ہوا جس کے نتیجے میں کوئی جانی یا مالی نقصان نہیں ہوا۔
پولیس کے مطابق بم دھماکہ ریموٹ کنٹرول کا تھا۔
پولیس نے علاقے کی ناکہ بندی کر کے مزید کارروائی شروع کر دی ہے۔
واضح رہے کہ گزشتہ ماہ نومبر میں ایک بم دھماکہ ہوا تھا جس سے مشینری کو نقصان پہنچا تھا۔
اس دھماکے کی ذمہ داری بی آر جی نے قبول کرلی ہے۔
بلوچ ریپبلکن گارڈز کے ترجمان دوستین بلوچ نے نامعلوم مقام سے میڈیا کو جاری کردہ بیان میں کہا ہے کہ ہمارے سرمچاروں نے بلوچستان کے شہر ڈیرہ مراد جمالی میں بم ڈسپوزل اسکواڈ کو ریموٹ کنٹرول بم دھماکے سے اُس وقت نشانہ بنایا جب وہ تعمیراتی کمپنی کے انجینئروں کیلئے روڈ کلیئر کر رہے تھے۔
اس حملے میں ایک فوجی اہلکار ہلاک اور دو شدید زخمی ہوئے ہیں۔
ترجمان نے کہا کہ ہماری اس طرح کی کارروائیاں بلوچستان کی آزادی تک جاری رہیں گے۔
