بلوچستان لبریشن فرنٹ نے بلیدہ میں فورسز پر حملوں کی ذمہ داری قبول کر لی ہے۔
بلوچستان لبریشن فرنٹ،بی ایل ایف ،کے ترجمان میجر گہرام بلوچ نے نامعلوم مقام سے میڈیا کو بتایا کہ منگل کی صبح ضلع کیچ کے علاقے بلیدہ میں جھانی آپ کے مقام پر سرمچاروں نے گھات لگا کر فوجی قافلے کے دو موٹر سائیکلوں کو نشانہ بنایا جس میں تین اہلکار ہلاک اور ایک زخمی ہوا ہے، اسی دوران ایک بکتر بند گاڑی کو راکٹوں اور اسنائپرز سے نشانہ بنایا جس میں تین اہلکار ہلاک اور تین زخمی ہوئے۔
بکتر بند پر حملے کے ساتھ ہی فوجی قافلے کی دیگر گاڑیوں نے واپس مڑنے کی کوشش کی جن پر سرمچاروں نے راکٹوں اور بھاری ہتھیاروں سے حملہ کیا جس سے چار اہلکار موقع پر ہلاک اور کئی زخمی ہوئے۔
اس حملے کے بعد پاکستانی فوج کے ساتھ سرمچاروں کا بلیدہ ہی کے علاقے سوراپ ڈیم کے پاس جھڑپ ہوا چالیس منٹ تک جاری جھڑپ میں پاکستانی فوج کو گن شپ ہیلی کاپٹروں کی بھی مدد حاصل تھی،سرمچاروں نے اس جھڑپ میں 6 اہلکاروں کو ہلاک اورچار کو زخمی کیا اور دشمن کو شکست دیتے ہوئے بحفاظت نکلنے میں کامیاب ہوئے۔
میجر گہرام بلوچ نے کہا کہ پاکستانی فورسز پر حملے مقبوضہ بلوچستان کی آزادی تک جاری رہیں گے
