بلوچ آزادی پسند رہنما واحد کمبر بلوچ نے پروفیسر عزیز بگٹی کی وفات پر انکے خاندان سے تعزیت کرتے ہوئے کہا ہے کہ مرحوم کی وفات کسی سانحہ سے کم نہیں ہے، اللہ تعالیٰ مرحوم کو جنت میں اعلیٰ مقام عطاء فرمائے اور آپ کے عزیز و اقارب کو صبر جمیل کی توفیق عطا فرمائے۔
واحد کمبر بلوچ نے کہا کہ پروفیسر عزیز محمد بگٹی ایک معروف ادیب و دانشور تھے،انکا شمار نامور بلوچ قلمکار اور ادیب و دانشوروں میں ہے جن کو شعبہ سیاسیات کے علاوہ تاریخ کے داؤپیچ پر کافی علم اور دسترس حاصل تھا۔
پروفیسر عزیز بگٹی کی بلوچستان کی تاریخ، قبائلی نظام، سیاسی کلچر اور دیگر موضوع پر لکھے گئے تصانیف کے پڑھنے سے بلوچ قوم کو اپنی تاریخ، زبان اور بلوچستان کے سیاسی کلچر کے حوالے سے شعور و آگاہی حاصل ہوئی ہے۔ یقینا انکے فوت ہونے سے بلوچ تاریخ میں خلا پیدا ہوئی ہے اسے پُر کرنا ممکن نہیں،مگر انکی تصانیف یقینا بلوچ قوم خاص کر نوجوانوں کے لیے مشعل راہ ہیں۔
انہوں نے کہا کہ اس کٹھن لمحات میں میری دُعائیں اور ہمدردیاں انکے خاندان کے ساتھ ہیں۔
