بلوچستان کے ساحلی شہر گوادر سے پاکستانی فورسز نے ایک گھر پر چھاپے کے دوران دو افراد کو حراست میں لیکر نامعلوم مقام پر منتقل کردیا۔
مقامی ذرائع ے مطابق گوادر کے تحصیل جیونی میں رات گئے فرنٹئیر کور اہلکاروں نے جیونی کوسر بازار میں اسحاق نامی شخص کے گھر پر چھاپہ مارا جہاں چادر وچار دیواری کو پامال کرکے خواتین و بچوں سمیت دیگر افراد کو تشدد کا نشانہ بنایا گیا۔
مقامی ذرائع کے مطابق فورسز اہلکار اسحاق کے بیٹے اور ایک رشتہ دار سرفراز کو گرفتار کرکے اپنے ساتھ لے گئے جس کے بعد وہ تاحال لاپتہ ہیں۔
ذرائع نے یہ بھی بتایا کہ فورسز نے گھر میں لوٹ مار کرکے گھر میں موجود زیورات سمیت دیگر قیمتی اشیا کو اٹھاکر گھر کو سیل کردیا۔
ضلعی انتظامیہ کی جانب سے تاحال اس حوالے سے کچھ نہیں بتایا گیا۔
