بلوچستان کے ژوب شہر اور مضافاتی علاقوں میں تیز ہوا کے ساتھ ہونے والی موسلادھار بارش کے باعث نئی آبادی میں مکانات گرنے کے تین مختلف واقعات پیش آنے کے نتیجے میں خاتون اور دو بچوں سمیت 3 افراد ہلاک جبکہ دس افراد زخمی ہو گئے۔
ہسپتال ذرائع کے مطابق نئی آبادی کے علاقے میں چوبارہ مکان پر آ گرنے سے رہائشی مکان کا کمرہ گرنے سمیت تین مختلف حادثاث میں ایک خاتون اور دو بچوں سمیت تین افراد ہلاک جبکہ دس افراد زخمی ہوگئے۔
ہلاک افراد میں خاتون تنزیلہ، عمر 50 سال ،سلمان شاہ ،عمر 11 سال اور ماریہ بی بی، عمر ڈھائی سال شامل ہے۔
ہلاک افراد کی لاشیں اور زخمیوں کو ٹراما سنٹر منتقل کر دیا گیا جہاں زخمیوں کی حالت تسلی بخش بتائی جا رہی ہے۔
