بلوچستان لبریشن فرنٹ کے ترجمان میجر گہرام بلوچ نے کیچ کے علاقے دشت میں پاکستانی فوج پر دو حملوں کی ذمہ داری قبول کرتے ہوئے کہا کہ تین روز سے دشت مزن بند کے پہاڑی سلسلوں میں پاکستانی فوجی جارحیت جاری ہے۔ کل تین بجکر چالیس منٹ پر نوکیں راہ میں قادر بخش کلگ دشت بل نگور میں سرمچاروں نے گھات لگا کر دشمن فوج پر بھاری ہتھیاروں سے حملہ کیا۔ اس سے دو فوجی ہلاک اور متعدد زخمی ہوئے ہیں۔
انہوں نے مزید کہا کہ آج بارہ بجکر چالیس منٹ پر نوکیں راہ میں ایک دفعہ پھر سرمچاروں نے دشمن پاکستانی فوج پر گھات لگا کر راکٹوں اور بھاری ہتھیاروں سے حملہ کیا، جس سے چار فوجی اہلکار موقع پر ہلاک اور کئی زخمی ہوئے ہیں۔
میجر گہرام نے کہا کہ قابض پاکستانی فوج کی زمینی و فضائی جارحیت دشت مزن بند کے پہاڑی سلسلوں میں گزشتہ تین روز سے جاری ہے۔ سرمچاروں نے بہترین جنگی حکمت عملی سے اب تک دشمن فوج کو پسپا کر کے رکھ دیا ہے۔
مقبوضہ بلوچستان کی آزادی تک قابض فوج پر حملے مزید شدت کے ساتھ جاری رہیں گے۔
