بلوچستان کے ضلع کیچ کے مرکزی شہر تربت میں سول سوسائٹی کی کال پر معروف سماجی شخصیت اور ساچان گرائمر سکول کے ڈائریکٹر شریف زاکر پر قاتلانہ حملے کے خلاف آج بدھ کو شہر میں مکمل شٹرڈاؤن ہڑتال کی رہی ۔
ہڑتال کے باعث شہر میں تمام دکانیں ، بینک، پٹرول پمپس، مالیاتی ادارے،دفاتر سمیت پرائیویٹ ادارے بھی بند رہے ۔
شریف زاکر پر حملہ کے خلاف آج بدھ کو پرائیویٹ اسکولز ایسوسی ایشن نے احتجاجاً اسکولز بند رکھنے کا اعلان کیا ہے جب کہ کیچ بار اور مکران بار ایسوسی ایشن کی طرف سے عدالتی کاروائیوں کے بائیکاٹ کے سبب عدالتی امور بھی ٹھپ رہ گئے ہیں۔
یاد رہے کہ منگل کو نامعلوم افراد نے شریف زاکر پر قاتلانہ حملہ کرکے اسے زخمی کیا تھا، ان کے پاؤں پر دو گولیاں لگیں اور وہ ہسپتال میں زیر علاج ہیں۔
