بلوچستان کے علاقے نصیر آباد سے پاکستانی فورسز نے 2 نوجوانوں کو جبری طور پر لاپتہ کردیا ہے۔
نصیر آباد کے علاقے نوتال سے جبری طور پر لاپتہ کیئے گئے نوجوانوں کی شناخت اوشاک ولد مکسی ڈومکی اور اختیار ولد حمزہ ڈومکی کے ناموں سے ہوئی ہیں۔
علاقائی ذرائع کا کہنا ہے کہ واقعہ گذشتہ روز شام پانچ کے قریب پیش آیا جہاں خفیہ اداروں کے اہلکاروں نے مذکورہ دونوںنوجوانوں کو جبری گمشدگی کا نشانہ بنایا۔
خیال رہے بلوچستان بھر میں جبری گمشدگیوں کے واقعات میں اضافہ کے بعد بلوچ یکجہتی کمیٹی بلوچستان بھر میں احتجاج کی کال دے چکی ہے اور اس سلسلے میں مختلف شہروں میں مظاہرے کیئے جارہے ہیں۔
