بلوچستان میں مکران کوسٹل ہائی پرسیلابی پانی سے روڈبہہ جانے سے سینکڑوں افراد پھنس گئے۔
پھنسے ہوئے افراد کا کہنا ہے کہ ساحلی علاقے اورماڑہ میں مکران کوسٹل ہائی پر بزی ٹاپ کے مقام پر زیر تعمیر پل کے بغل میں بنائی جانے والی متبادل روڈ رات گئے سیلابی پانی میں بہہ گیا۔جس کے نتیجے میں سینکڑوں مسافر پھنسے ہوئے ہیں اوردونون اطراف گاڑیوں کی لمبی قطاریں لگی ہوئی ہیں۔
کہا جارہا ہے کہ سرکاری سطح پر ابھی تک کسی قسم کی کوئی اقدامات نہیں اٹھائے گئے۔
سوشل میڈیا پر جاری چند ویڈیوز میں دیکھا جاسکتا ہے کہ لوگ پھنسے ہوئے ہیں اور اپنی مدد آپ کے تحت پانی میں بہہ جانی والی متبادل روڈ پر مٹی ڈال کر اسے ہموار کرنے کی کوشش کر رہے ہیںتاکہ کھڑی گاڑیوں کونکالا جاسکے ۔
