نوک بیت ہروچ بنایے چے گوشئے
گوں منا کائے نیائے چے گوشئے
ہرچی کِشتگ ہرکس رُنت مزءُ برءَ
نیست دگہ رُو ءُ ریا یے چے گوشئے
لب واراں لب اتگ لبءُ ملام
مژدہ واری کنت گدایے چے گوشئے
مرگ سوبے کہ مڑاہے کشتگاں
گوں کن مرگءَ مڑاہے چے گوشئے
شئےءَ پروشتگ رسترانی سنگرے
کولواہ اوں جنگجاہے چے گوشئے
توکلءَ بند ءُ دو گام دیما برو
راست بیت انت رنگراہے چے گوشئے
شبرہیں پندانی ہاٹیگ مہکم انت
روک بیت الّم سبایے چے گوشئے
