شمالی کوریا نے نئے سال میں پہلی مرتبہ آج صبح ایک مختصر فاصلے تک مار کرنے والا بیلسٹک میزائل مشرقی سمندر کی طرف داغا، جو اس سال کا پہلا میزائل تجربہ ہے۔
میڈیا رپورٹس کے مطابق، جنوبی کوریا کی جوائنٹ چیفس آف اسٹاف نے تصدیق کی ہے کہ ان کی فوج میزائل کے داغے جانے کی سمت، پرواز کی گئی مسافت اور دیگر تکنیکی پہلوؤں کا تجزیہ کر رہی ہے۔
یونھاپ نیوز ایجنسی کے مطابق، شمالی کوریا کا یہ تجربہ 2025 کا پہلا میزائل تجربہ ہے۔ اس سے قبل 5 نومبر 2024 کو ایک مختصر فاصلے تک مار کرنے والا بیلسٹک میزائل (SRBM) کا تجربہ کیا گیا تھا۔
رپورٹس کے مطابق، شمالی کوریا کا داغا گیا میزائل تقریباً 1100 کلومیٹر تک پرواز کرنے کے بعد جاپان کے سمندر میں جا گرا۔ اس حوالے سے جنوبی کوریا کے حکام نے تاحال پیونگ یانگ کے اس اقدام پر کوئی سرکاری بیان جاری نہیں کیا۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
