اکیس مئی 2018 میں بلوچستان کے علاقے مچھ سے پاکستانی فورسز کے ہاتھوں جبری گمشدہ ہونے والے مچھ بولان کے رہائشی عبدالحئی کرد طویل عرصہ کی گمشدگی کے بعد آج رہا ہوکر اپنے گھر پہنچ گئے ہیں۔
سماجی رابطے کی ویب سائٹ ٹویٹر پر عبدالحئی کرد کی ہمشیرہ نسرین بلوچ نے بھائی کی بازیابی کی تصدیق کی ہے۔
جبکہ بلوچستان کے ضلع چاغی سے تین سال قبل جبری لاپتہ ہونے والے شخص پرنس خالد ساسولی کو گزشتہ روز منظر عام پر لایا گیا ہے۔
خاندانی ذرائع کے مطابق خالد ساسولی کو کوئٹہ کے ہدہ جیل میں رکھا گیا ہے۔
یاد رہے بلوچستان سے جبری طور پر گمشدہ افراد کے لواحقین کوئٹہ کراچی سمیت اسلام آباد میں اپنا احتجاجی کیمپ لگائے ہوئے ہیں۔ انکا کہنا ہے کے بلوچستان سے لوگوں کو جبری طور پر گمشدہ کرنے میں ریاستی ادارے ملوث ہیں۔
دوسری جانب سے بلوچستان سے گمشدہ افراد کے لواحقین گزشتہ نو روز سے پاکستان کے دارالحکومت اسلام آباد کے ڈی چوک میں دھرنے میں بیٹھے ہیں۔
