بلوچستان کے ضلع کیچ کے مرکزی شہر تربت میں سیٹلائٹ ٹاؤن میں عائشہ مسجد کے قریب نامعلوم مسلح افراد کی فائرنگ سے ایک شخص ہلاک ہوگیا۔
پولیس کے مطابق مقتول ایک دکان کے سامنے خریداری میں مصروف تھا کہ موٹر سائیکل پر سوار نامعلوم مسلح افراد نے اس پر فائرنگ کردی جس کے نتیجے میں وہ موقع پر ہی ہلاک ہوگیا۔
ہلاک ہونے والے شخص کی شناخت دوشمبے ولد سعید ساکن ہوشاپ کے نام سے ہوئی ہے جس کا تعلق ریاستی ملیشیا(ڈیتھ اسکواڈ) سے بتایاجارہا ہے۔
پولیس نے لاش کو ضروری قانونی کارروائی کے لیے ٹیچنگ ہسپتال تربت منتقل کردیا ہے جب کہ واقعے کی مزید تحقیقات جاری ہیں۔