وار اینڈ انٹیلی جنس ھستیں وھد ءَ یک سکیں کمپلیکس ءُ ارزشداریں باوستے کہ ھرچ سیاسی پلیٹفام ءَ گندگ ءَ کیت ءُ گیشتر ھما زمین، گل یا مھلوک ءِ گْور ءَ کہ آیانی سیادی چہ یک جنگ آماچیں زمینے ءَ انت۔ ھمے درگت ءَ ما وتی سرھال وار اینڈانٹیلی جنس ءِ سر ءَ زُرتگ ۔
چوناھا نبشتانک گیشتری انٹیلی جنس ءِ سر ءَ انت کہ وتی تہ ءَ سکیں بلاھیں ءُ سرجمیں باوستے ءُ سک باز بھر انت ئِے، بلے ایشی ءَ چہ پیسر من بندات ءَ جنگ ءِ سر ءَ کسانیں پجار ءِ دیگ لوٹاں کہ جنگ چے یے، جنگ پرچا کنگ بیت، جنگانی لوٹ چے انت، جنگی ترزکار چے انت، بزاں دگنیا ءِ بندپتر ءِ تہ ءَ مارا سک باز جنگی درور دست کپیت کہ داں ھستیں وھد ءَ ھمے جنگی تسلسل جنزگ ءَ انت، گڑا ماں ایشاں زانگ ءِ جھد کن ایں کہ تاکت پرچا مِڑتگ انت، کجام فیکٹرانی بنیات ءَ۔
ءُ ایشاں چے دابیں جنگی ترزکار کارمرز کُتگ یا انگت کنگ ءَ انت۔ داں کہ ماں انٹیلی جینس ءِ جند ءَ شریں دابے ءَ سرپد بہ بئیں کہ انٹیلی جنس چے یے ءُ جنگانی تہ ءَ انٹیلی جنس ءِ کرد چے بوتگ یا ھستیں وھد ءَ جنگانی تہ ءَ انٹیلی جنس ءِ زلورت چے انت۔
اے معملاتاں سرپد بوگ ءِ ھاتر ءَ ما چیزاں سیکوینس وائز گیشینگ ءِ جھد کن ایں۔ بندات ءَ ما انٹیلی جنس ءَ انسٹیٹیوشنل کنٹیکسٹ ءَ چاریں بزاں کجام ھم استان ءِ آئی گْور ءَ جتائیں انسٹیٹیوشن ھست انت ءُ آیاں چہ یکے انٹیلی جنس انت، ما چاریں کہ یک استانے ءِ گْور ءَ انٹیلی جنس چے یے، چے داب ءَ فنکشن کنت، کجام ترزکار کارمرز بنت ءُ انٹیلی جنس چے پیم یک استانے ءَ گیش توانگر ءُ مھکم کنگ ءِ تہ ءَ کُمک کنت ءُ ایشی ءِ ھمرائی ءَ کاؤنٹر انٹیلی جنس ءَ ھم گیشین ایں کہ یک استانے ءِ گْور ءَ وتی سیکورٹی ءِ واستہ کاؤنٹر انٹیلی جنس ءِ مول ءُ مراد چے انت۔
دیمتر ءَ ما انٹیلی جنس ءَ آرگنائزیشنل کنٹیکسٹ ءَ چاریں بزاں چینکس کہ انسرجینٹ گروپ (یاگی ٹولی) ھست انت آیانی گورءَ۔ بزاں نَن اسٹیٹ ایکٹرانی گْور ءَ انٹیلی جنس چے داب ءَ کارمرز بیت، انسرجینٹ گروپانی گْور ءَ انٹیلی جنس اسٹریکچر چے داب ءَ انت، ایشی زلورت چے انت ءُ دومی سیمی۔گُڑی ءَ ما کائیں گوریلا وارفیئر ءِ انٹیلی جنس ءِ نیمگ ءَ بزاں بلوچ راجی جنزءِ۔
یک گوریلا فورسے ءِ واستہ دُرستاں چہ ارزشداریں شئے انٹیلی جنس انت کہ انٹیلی جنس گوریلا ءِ بقاء زانگ بیت گڑا کجام فیکٹرانی بنیاتءَ۔ یک گوریلا یے ءِ وتی رکینگ ءِ واستہ کجام ھد ءَ انٹیلی جنس درکار بیت، ملٹری آپریشن کنگ ءِ ھاتر ءَ کجام انٹیلی جنس لوٹیت ئِے، گوں وتی کمیں مَڑی ءَ دژمن ءِ بلاھیں پوجی تاکت ءَ پروش دیگ ءِ واستہ چے پیم انٹیلی جنس کارمرز کنت۔ءُ ھمے گوریلا انٹیلی جنس بلوچ ءِ جنگ ءِ تہ ءَ مرچی کجا اوشتاتگ، بزاں بلوچ انٹیلی جنس ءَ چے داب کار بندگ ءَ انت۔
جنگ ءِ پجار : definition of war
جنگ چوناھا دو تاکت یا فریکانی میان ءَ تضاد ءِ دروشم ءَ گندگ ءَ کیت، ٰءُ جنگ ءَ سرپد بوگ ءِ ھاتر ءَ مارا ھمے تضاد، دوئیں تاکت ءُ جنگ کنگ ءِ بنکی لوٹ زانگ لوٹیت۔ اے درگت ءَ ما لھتیں وار اینالسٹانی ریفرینس ءِ رد ءَ جنگ ءِ پجار ءِ گیشینگ ءِ جھد ءَ کن ایں کہ جنگ ءِ جند چے یے۔ Carl Von Clausewitz گُشیت جنگ دگہ ھچ ئِے نہ انت ابید چہ دو مردم ءِ دیم پہ دیم بوگ ءَ بزاں کہ دو تاکت ءِ میان ءِ مقابلہ یے کہ دوئیں تاکت وتی سرجمیں وسیلگ ءُ زوراں کارمرز کن انت ءُ وتی دژمن ءَ وتی مرزی ءِ پیلو کنگ ءَ پہ مجبور بہ کن انت۔ بزاں War is an act of violence intended to compel our opponent to fulfil our will. Reference. On war. ۔بَقولء UNDRR)) سلاہ بندیں جنگ ھما انت کہ آ نوآبادیاتی تسلط ، ڈَنی کبزہ گیر یا کہ نسل پرستیں تاکتانی ھلاپ ءَ کنگ بیت۔
بلے چوناھا جنگ ھستیں وھد ءَ یک انچین جاورے زانگ بیت کہ اود ءَ جتائیں استان یا گلانی میان ءَ تکرار یا سلاہ بندیں جنگ گندگ بیت۔ ءُ جنگ سیاسی، راجی یا کہ زمینی لوٹ ءِ پیلو کنگ ءِ واستہ بیت ءُ ایشی تہ ءَ ھرچ وڑیںتاکت کارمرز بیت بزاں کہ پوجی تاکت، بمب ءُ ٹوپ ءُ ھرچ وڑیں جنگی ترزکار ءِ بنیات ءَ جنگ کنگ بیت۔کہ آیانی تہ ءَ گوریلہ وارفیئر، کنوینشنل وارفیئر، سائبر وار فیئر، سائلینٹ وار فیئر بزاں انٹلیجینس۔ ءُ جنگ کسانیں جنجالاں بگر داں مزنیں جنگ میان استمانی دروشم ءَ ھم مٹ بوت کنت۔
جنگانی مکسد ءُ لوٹ :
دگنیا ءِ بندپتر ءَ اگاں چمشانکے بد ایں گڑا گندگ بیت کہ ھرچ جنگے کہ بوتگ آئی ءَ یک ھاسیں لوٹے یا مکسدے پیلو کتگ، ءُ جنگانی تہ ءَ ھمے روانی ءِ جند داں ھستیں وھد ءَ برجاہ انت ءُ جنگ یک ھاسیں مکسد ءُ لوٹے ءِ واستہ کنگ بنت، بلے جنگانی لوٹ ھرچ وھد، ھرچ مھلوک ءُ زمینی جاورالانی ھساب ءَ مٹ بوان انت۔
پہ درورھژدھمی کرن ءِ یورپ ءِ جنگ یک کلاس اسٹراگلے ءِ بنیات ءَ بوتگ کہ چاگرد ءِ تہ ءَ ھرچ مردم ءَ آئی ءِ ھَک بہ رسیت ءُ کَس کَس ءِ دست ءِ چیر ءَ مہ بیت، ھمے رنگ ءَ اولی ءُ دومی جھانی جنگ تاکت گرگ ءِ واستہ بوتگ انت بزاں کہ دگنیا ءِ سر ءَ کجام تاکت ءِ dominancy بہ بیت ءُ دگنیا ءِ سیاست ءَ وتی دست ءَ بہ کنت۔ ھمے رد ءَ ششمی کرن ءِ بازیں جنگانی بندپتر دست کپیت کہ آ اسلام ءِ واستہ کنگ بوتگ انت، بزاں کہ آ جنگانی لوٹ مزہبی بوتگ انت۔
پہ درور ( غزوہ ءِ بدر 624 AD، غزوہ ءِ خندک 627 AD)ءُ ھمے رنگ ءَ ھستیں وھد ءَ بازیں جنگ نظریاتی بنیات ءَ گندگ ءَ کاینت کہ آ زمینی لوٹ پیلو کنگ ءَ انت، پہ درور بلوچستان کہ یانزدہ ھزار سالاں چہ گیش بلوچ ءِ سرزمین انت، ءُ مدام بلوچاں وتی زمین چہ دری تاکتاں پھازگ ءِ ھاتر ءَ جنگ کُتگ ءُ داں ھستیں وھد ءَ دژمنیں استان پاکستان ءِ دیم ءَ چو کوہ ءَ مِک انت ءُ وتی زمین ءِ واستہ کربانی دیگ ءَ انت۔
جنگی پوزیشن ءُ جنگی ترزکار:
انچوش کہ برزہ نبشتہ کُتگ کہ دگنیا ءِ بندپتر چہ جنگی دروراں سریچ انت ءُ ھمے جنگانی تہ ءَ بازیں راج، استان یا کُٹم وتی جنگی پوزیشن ءُ جنگی ترزکارانی سَوب ءَ سوبمند بوتگ انت، بلے بازیں گوں وتی نزوریں جنگی ترزکاراں بےسوبی ءِ دیمپان بوتگ انت۔ گڑا ما زانت کن ایں کہ جنگانی تہ ءَ وھد ءِ لوٹانی رد ءَ وت ءَ را جنگی پوزیشن ءَ سر کنگ ءُ جنگی ترز ءِ کار کارمرز کنگ ارزشت داریں ءُ پیسلہ سازیں عملے۔ جنگی پوزیشن ءَ چہ مول ھمیش انت وھدے کہ جنگ یک بنکی لوٹے ءِ پیلو کنگ ءَ پہ بنگیج کنگ بیت گڑا ءَ initial phase ءَ چہ بنا بیت گام جنان ءَ داں گڈی جنگی جاوراں روت پہ وتی منزل ءَ ۔ ءُ ھمے میان ءَ وھد ءِ لوٹانی رد ءَ ھرچ دابیں جنگی ترزکار مرز کنت۔
ھمیشانی تہ ءَ ما لھتیں ماملاتاں ءَ انسرجنسی ءِ یا کہ انسرجینٹ وار ءِ نگاہ ءِ تہ ءَ چارگ ءُ گیشینگ ءِ جھد ءَ کن ایں۔ انسرجینسی چوناھا وت جنگ ءِ پجار انت یا کہ جنگ ءِ دومی نام انت، ءُ سکیں پراہیں نامے کہ بےکساس جنگ ءِ پجار ءَ کنت ۔ پہ درور ھما جنگانی پجار کہ یک پاور ءِ آرگنائزیں دابے ءَ استان ءِ ھلاپ ءَ پاد کیت وتی لوٹانی ھاترءَ۔ ءُ ریڈیکل یا کہ پولیٹکل بنیاد ءَ گھگیری کنت۔ ءُ ھمے بُنکی لوٹ انسرجینٹ تاکتانی میان ءَ کلاسفکیشن کنت، کہ آیا آ یک ناشریں گلے، آجوئی لوٹوکیں گلے یا کجام ھم داب ءِ گلے۔
پِری انسرجنسی:
پِری انسرجنسی یا پِری وار جنگانی یا انسرجنسی ءِ تہ ءَ initial phase گُشگ بیت کہ ھمد ءَ چہ جنگ ءِ ھیال دیم ءَ کیت ءُ جنگ ءِ واستہ جنگی جاورھال پیداک کنگ بنت ءُ انسرجینٹ گروپ ءُ استان ءِ میان ءَ تضاد چہ ھمد ءَ بنا بیت۔بزان کہ اگاں یک دری تاکتے اتکگ ءُ تئی زمین ءِ سر ءَ کبزہ کُتگ ئِے گڑا آزورآور ءَ چہ وتی زمین ءَ کشگ ءِ ھاتر ءَ وھد ءِ کہ تحریکی باوست بندات بیت آ پری انسرجنسی گُشگ بیت۔
آرگنائزیشن :
پِری انسرجنسی ءَ چہ رند جنگ وتی دروشم ءَ مٹ کنت ءُ دومی فیز ءَ کیت کہ آرگنائزیشنل اپروچ زانگ بیت۔ اے فیز ءِ تہ ءَ گلکاری ءِ سر ءَ کار بیت، باسک سازی ءِ سر ءَ کار بیت، گلی اسٹریکچر ءُ ھرارکی جوڑ کنگ بیت، باسکانی تربیت کنگ بیت، ءُ دری تاکتاں گوں سیادی یے جوڑ کنگ بیت بزاں کہ ڈومیسٹک یا انٹرنیشنل ڈپلومیسی ءِ سر ءَ کار کنگ بیت۔ ایشی ءِ تہ ءَ جُتا جُتائیں ترزکار کارمرز بیت، بزاں لٹریچر ءِ وانگ، کیمپ ٹریننگ، فزیکل ٹریننگ، ءُ بازیں دگہ کہ یک مھکمیں گلے ءِ جوڑشت دیم ءَ بئیت، داں زمینی یا راجی لوٹاں پیلو کُت بہ کنت۔
گوریلا واررفیئر:
گوریلا ترزکار ھما جنگی تزکار یا پوزیشن انت وھدے کہ یک پاور ءِ وت ءَ را آرگنائز کنت یا وتی سلاہ بندیں جنگ ءَ دژمن ءِ ھلاپ ءَ بنا کنت، بلے دژمن گیش توانگر، گیش مھکم، گیش آرگنائز ءُ بلاھیں پوجی تاکتے گون بیت، گڑا انسرجینٹ پاور گوریلہ جنگ ءِ نیمگ ءَ روت دانکہ وتی کسانیں پوجی تاکت ءُ کمیں گواچناں گوں دُژمن ءَ گیش تاوان دات کُت بہ کنت۔ چوناھا گوریلا جنگ کسانیں جنگ ءَ یا کسانیں ٹولی یے ءِ گیر روایتی بنیات ءَ جنگ ءَ گُش ان ۔
گوریلا ترزکار 1808 ءِ زمانگ ءَ دیم ءَ کیت وھدے کہ نپولین بونا پارٹ اسپین ءِ سر ءَ ارش کنت ءُ اسپین ءِ جنگجو گوریلا ترزکار کارمرز کن انت ءُ داں 1814 ءَ داں وتی ڈگار ءَ آجو کن انت۔ بلے گوریلا ءِ بندپتر مارا انگت پُشت ءَ دست کپیت، 500می B.C ءَ چینی دانشور سن زو وتی کتاب the art of war ءِ تہ ءَ ایشی ءَ گیشین ایت۔ گوریلہ جنگانی تہ ءَ بازیں ترزکار ھست انت پہ درور کمیں کساس ءَ گوں آیگ ءُ ارش کنگ، جَنگ ءُ تچگ، شپا آیگ ءُ روچ ءَ گار بوگ، بروڈ کنٹیکسٹ ءَ گیر روایتی جنگ ءِ نام ءَ زانگ بیت۔
کنوینشنل وارفیئر:
کنوینشنل وارفیئر سکیں بلاھیں جنگی پوزیشنے یا کہ جنگی سٹیجے زانگ بیت۔ اے جنگ ءِ ھما فیز انت کہ سک کم انسرجینٹ یا سلاہ بندیں گل سر بنت، کنوینشنل وارفیئر ءِ تہ ءَ انسرجینٹ گروپ ءَ بلاھیں پوجی تاکتے لوٹیت، بےکساس جنگی سازوسامان لوٹیت، جنگی تربیت لوٹیت، بزاں کہ ھما پوزیشن ءَ وت ءَ سر کنگ لوٹیت کہ دُژمن انت پرچا کہ کنوینشنل وارفیئر ءِ تہ ءَ دو بلاھیں پوجی تاکت دیم پہ دیمی جنگ کن انت۔ وتی سرجمیں پوٹینشل ءُ سرجمیں رسورسز آں کنوینشنل وارفیئر ءِ تہ ءَ کارمرز کن انت داں ھما وھد ءَ کہ یک تاکتے پروش بہ وارت ءُ چہ جنگ ءَ دست کش بہ بیت۔
ٹوٹل وارفیئر:
ھمے رد ءَ ٹوٹل وارفیئر ھم یک جنگی سٹیجے یا پوزیشنے زانگ بیت ءُ گیشتر ھما جنگانی واستہ زانگ بیت کہ آ جنگ نظریاتی بنیات ءَ جنزگ ءَ بنت پہ درور نیشنلزم کہ یک زمینے ءِ سر ءَ یا راج ءِ سر ءَ دری تاکتے کیت کبزہ کنت ءُ راج ءِ لس مھلوک پاد کیت ءُ گھگیری ءِ فلسفہ ءِ سر ءَ گھگیری کنت، بلے ھمے گھگیری یک انچین پوزیشنے ءَ سر بیت کہ دُژمن نا تھنا ھما تبک بزاں سلاہ بندیں گل ءَ کاؤنٹر کنگ ءِ جھد کنت بلکیں سرجمیں راج ءِ سر ءَ ارش کنت ءُ سرجمیں راج ءَ ولگوج کنگ ءِ کوشست کنت، ھمے رد ءَ گڑا گھگیری جنز ھم ایوک ءَ سلاہ بندیں گلانی کوپگ ءَ نہ بیت بلکیں چہ گُلامیں زمین ءَ سیادی داروکیں ھرچ مردم ءِ کوپگ ءَ کیت۔ءُ اے فیز ءِ تہ ءَ گُلامیں چاگرد ءِ سرجمیں مھلوک پاد کیت ءُ جنگ ءَ ھوار بیت بزاں سرجمیں لس مھلوک۔
انٹیلی جنس چے یے : What Is Intelligence
لس مردمان ءِ باوست ءَ انٹیلی جنس ھما عمل انت کہ دروگ ءَ گوں سیادی داریت یا کہ مخبری عملے، بلے وتی تہ ءَ انٹیلی جنس سک ءَ پراھیں باوستے ءُ بازیں تک ءُ پھنات ھست انت ئِے کہ جتا جتائیں استان، یا گلانی گْور ءَ ایشی ماناءُ فیکٹر مٹ انت، بزاں کہ انفارمیشن انت، ایکٹیویٹی انٹ، آرگنائزیشن انت ءُ بازیں دگہ کہ ھست انت۔
بقولء (carl J Jonsen ) ءِ کتاب Introduction to intelligence study انٹیلی جنس یک را(Raw) ڈیٹا یے کہ آ جتائیں فیکٹر، جتائیں ترزکارانی بنیات ءَ ھوار ءُ مُچ کنگ بیت، پہ درور مُخبرانی کُمکءَ، ڈرونزانی کُمکءَ، رابتہ کاری ءِ کُمکءَ، شنگ ءُ تالانیں ڈوکیومنٹانی پٹ ءُ پول کنگءَ، ریڈیو ءُ ٹی وی بروڈکاسٹانی کُمکءَ، انٹرنیٹ ءِ کُمک ءَ ءُ بازیں دگہ کہ ھست انت۔
ھمے را ڈیٹا دیم دیگ بیت اینالسٹانی گورءَ،اینالسٹ ھمے را ڈیٹا یا کہ انفارمیشن ءَ پریس انت جتائیں ترزکارآنی کُمک ءَ چہ ءُ نولِج ءِ تہ ءَ مٹ کن انت ءُ ھمے نولِج پیسلہ زوروکانی سر ءَ روان دیگ بیت، ءُ پیسلہ ساز ھمے نولج ءِ بنیاد ءَ استان یا کہ گلانی آؤکیں شوربندیاں اڈ دینت۔آسانیں لبز ءَ انٹیلی جنس را ڈیٹا ءِ وانگ، تپاسگ، پریسگ ءُنولِج ءِ تہ ءَ مٹ کنگ ءُ ھمےنولِج ءِ رد ءَ گل یا استانانی واستہ شوربندی اڈ دیگ ءِ نام انت۔
بزاں دژمن ءِ پوج چے داب ءَ نزور کنگی انت، کجام داب ءَ ارش کنگی انت، کجام داب وتی ڈفینس کنگی انت یا کجام داب ءَ وتی انفارمیشن سکیور کنگی انت۔بقولء نبشتہ کارAbram. N Shulsky ءِ کتاب Silent Warfare کہ اٹیلی جنس ھما زانت گُشگ بیت کہ آ یک استانے ءِ راھبند ءَ گوں سیادی داریت یا آئی ءِ پاسداری ءَ بہ کنت ءُ استان ءِ جتائیں شوربندیانی امپلیمنٹ کنگ ءِ ھاتر ءَ کارمرز بنت۔ءُ استان وتی نیشنل انٹریسٹ ءُ نیشنل سیکیورٹی اں پھازت بہ کنت، ءُ وت ءَ چہ دژمن ءَ رکینت بہ کنت، دژمن تُری دوزواہ ءِ دروشم ءَ بزاں آستونک ءِ مارے ھم بہ بیت۔
انٹیلی جنس چوناھا سکیں پراھیں باوستے ءُ یک بھرے ءِ ھما زانت انت کہ سرجم ءَ گوں پوجی چست ءُ ایراں بندوک انت، بزاں کہ دژمن ءِ پوجی تاکت چے انت، دژمن ءِ پوجی شوربندی چے انت، جنگی بودناکی چے انت، ءُ ایشی ھمرائی ءَ وتی پوجی معاملاتان چہ دژمن ءَ رکینگ ءُ وتی انفارمیشناں سیکیور کنگ، پرچا کہ باز رند ءَ استان وتی تَھی جیڈھانی سبب ءَ بازیں انفارمیشن انٹرنَلی لِیک کن انت۔
بزاں ڈپلامیٹک انفارمیشن، پولیٹکل انفارمیشن ءُ دومی سیمی۔ گڑا اے سرجم ءَ انٹیلی جنس ءِ کار انت کہ کجام وڑءَ چہ دژمن ءَ بہ رکینیت اِش۔ آسانیں لبز ءَ ما گُشت کن ایں کہ انٹیلی جنس دو دژمن ءِ یا دو تاکت ءِ میان ءَ جنگے، ءُ اے جنگ انفارمیشن ءَ گوں بندوک انت۔
اسکوپ آف انٹیلی جنس:
برز ءَ ساری ءَ نبشتہ کُتگ کہ انٹیلی جنس سکیں پراہ ءُ شاھگانیں باوستے۔ ءُ سک باز فیکٹر وتی تہ ءَ ھوار کنت، نا ایوک ءَ ملٹری انٹیلی جنس اِنت بلکیں اکانومیکل فیکٹر، بِزنِس فیکٹر بزاں کہ مارکیٹ پوزیشن چے انت، کاروبار چے داب ءَ جنزگ ءَ انت۔ ڈپلومیٹک فیکٹر، پولیٹکل فیکٹر بزاں کہ یک استانے ءِ گوں دومی استان ءَ سیادی کجام داب ءَ دارگ بیت یا کہ دومی استان ءِ انٹریسٹ چے انت، ءُ استان ءِ تھی سیاسی معاملات بزاں سیاسی گلانی وت مہ وت ءَ سیادی یا ریاست ءَ گوں لوٹ چے داب ءَ انت، اے سرجمیں زانت سک ارزشت دار انت، ءُ ایشی شوھاز کنگ، پٹ ءُ پول کنگ ءِ عمل انٹیلی جنس انت۔
ڈومیسٹک انٹیلی جنس:
دگنیا ءِ کجام ھم استانے بہ بیت دَری جیڑہ آئی واستہ زلوری انت ءُ انٹیلی جنس ءِ کنسرن ءَ انت بلے تھی جیڑہ ءُ جنجال ھم بلاھیں درد ءِ سرے انت۔ بزاں کہ استان ءِ تہ ءِ سیاسی چست ءُ ایرانی سر ءَ نگاہ ءِ ایر کنگ ھم سک ءَ ارزشت داریت، گڑا اے الّم انت کہ استان ءَ وتی پھازگ ءِ واستہ ڈومیسٹک انٹیلی جین ءَ مھکمیں رنگے ءَ جنزینگ لوٹیت۔
کجام ھم وھد ءَ لس مردم، سیاسی گل ءِ ،آزاد پسندیں تنظیم، مزہبی کُٹم ءِ یا کجام بی اتنِک گروپے پاد اتک کنت ءُ استان ءِ ھلاپ ءَ جوڈ بوت کنت۔ ایشاں کاؤنٹرکنگ ءِ ھاتر ءَ ھرچ استان ءَ وتی ڈومیسٹک انٹیلی جنس نیٹورکے ھست ءُ اے نیٹورک ھمک استان ءِ گْور ءَ مٹ انت ءُ ڈپینڈ کنت ھمک استان ءِ گورنمنٹل ترزکار ءِ سر ءَ۔
انٹیلی جنس اینڈ لا انفورسمنٹ:
قانون ءِ نفاذ بزاں لا انفورسمنٹ وتی تہ ءَ یک ادارہ یا ھما کارندگانی مچی زانگ بیت کہ آ لا انفورسمنٹ ءُ نظم ءُ ضبط ءِ رکینگ، ایمنی ءِ گیش ءُ گیوار کنگ ءِ زمہ وار انت۔ ایشی بنکی کارآنی تہ ءَ سیلکاریں مردمانی ءِ پٹ ءُ پول کنگ ءُ آیاں دزگیر ءُ بندیگ کنگ ھوار انت۔ بزاں کہ ٹیرراِزم، ٹریفکنگ ، نارکوٹیکس ءُ بازیں دگہ است انت، بلے بازیں فیکٹرانی وجہ ءَ انٹیلی جنس ایجنسی ھم اے معاملاتانی تہ ءَ ھوار کپ انت۔
بزاں باز رند ءَ یک استانے ءِ تہ ءَ اے دابیں سیلکاری گندگ بیت بلے اے سیلکاریانی جنزینگ ءَ دَری تاکت یا استان ھوار بنت ءُ لا انفورسمنٹ وتی استان ءَ چہ ڈن اپروچ نہ دار انت، گڑا الّم انت کہ انٹیلی جنس ایجنسی ھوار بنت ءُ اے دابیں سیلکاریاں کاونٹر کن انت۔
ھمے رنگ ءَ لا انفورسمنٹ مدام سیلکاری ءِ بوگ ءَ چہ رند کاروائی کنت ءُ دارگ ءِ جھد کنت بلے انٹیلی جنس ایجنسی مدام وتی عمل ءِ تہ ءَ انت داں اے دابیں سیلکاری ساری ءَ چہ زانگ بہ بنت ءُ کاؤنٹر کنگ بہ بنت۔ ھمے سبب ءَ چہ لا انفورسمنٹ ایجنسی ءِ تہ ءَ انٹیلی جنس ءِ بلاھیں کردے ھست۔
اکانومک انٹیلی جنس:
اکانومک انٹیلی جنس ھم یک استانے ءِ واستہ ارزشداریں فیکٹرے زانگ بیت داں ایشی وسیلگ ءَ استان وتی مالی پوزیشن ءَ مھکم کنت، دیمروئی ءِ کاراں گیش کنت، ءُ وتی جنگی یا پوجی تاکت ءِ سر ءَ گیش ھرچ کنت ءُ مھکم ئِے کنت۔ ایشی ءَ چہ ابید ھستیں وھد ءَ دگنیا اکانومیکل وار ءِ نیمگ ءَ روگ ءَ انت، مستریں درور مارا چین ءِ OBOR پروجیکٹ ءِ دروشم ءَ گندگ ءَ کیت ،گڈا چوشیں جاورانی تہ ءَ سوبمندی ءِ واستہ انٹیلی جنس ءِ سکیں بلاھیں کردے بیت۔
اے لھتیں ایریا انت ءُ ایشانی کُمک ءَ چہ زانگ بیت کہ انٹیلی جنس نا تھنا جنگ بلکیں بازیں فیکٹرانی واستہ ارزشتدار ایں ءُ مھکمیں شئے یے زانگ بیت۔
انٹیلی جنس سائکل :
انچوشکہ بندات ءَ بازیں کتابی سرشونانی کُمک ءَ چہ انٹیلی جنس ءِ پجار گیشینگ بوتگ ءُ ھمے رد ءَ من the military intelligence) )کتاب ءِ سرشون ءَ چہ کمو گیش گیشینگ لوٹاں کہ انٹیلی جنس دگہ ھِچے نہ انت ابید ءِ ھما زانت ءَ چہ کہ آ چَہ یک ریس ءُ پریس ءِ پروفیشنل عملے ءَ چہ گوستگ۔
بزاں کہ the processed accurate information بلے انٹیلی جنس ءِ دگنیا ءِ تہ ءَ ھمے عمل کہ آئی تہ ءَ انفارمیشن ءِ جند پٹ ءُ پول کنگ بیت، مُچ کنگ بیت ءُ یکپروفیشنل ریس ءُ پریس ءِ عملے ءَ گوازینگ ءَ رند کہ انٹیلی جنس ءِ نام دیگ بیت سک ءَ ارزشت داریت ءُ آئی ءَ ما انٹیلی جنس سائکل گُش ایں۔ ایشی تہ ءَ لھتیں بھر انت کہ ءَ سرجمیں معملاتاں گیشین انت کہ چہ پیم را ڈیٹا مُچ کنگ بیت ءُ انٹیلی جنس ءِ تہ ءَ مٹ کنگ بیت۔
انٹیلی جننس سائکل ھمے واستہ ارزشت دارانت پرچا کہ مدام مُچ کُتگیں یا پٹ ءُ پول کُتگیں انفارمیشن سد درسد راست بوت نہ کنت ءُ ھمے سبب ءَ باز رند ءَ گل، تحریک یا استان تاوان بار بنت۔ پہ درور 2002 ءَ وھدے کہ انٹیلی جنس کمیونٹی IC ءَ جُست کنگ بیت کہ عراق ءِ ڈکٹیٹر صدام حسیں بلاھیں کچے ءَ آ سلاہ جوڑ کنگ ءَ انت کہ آ دگنیا ءَ تاوان دات کن انت، گڑا IC وتی یومین رسورس ءِ کُمک ءَ چہ انفارمیشن دنت کہ ھئو کنگ ءَ انت، گڑا ھمیشی بنیات ءَ US 2003 ءَ ارش کنگ ءِ سر ءَ جیڑیت ءُ تیاری کنت بلے رند ءَ زانگ بیت کہ IC ءِ داتگیں انفارمیشن دُرست نہ انت۔
گڑا ما زانت کن ایں کہ انٹیلی جنس سائکل چینکسیں بلاھیں ارزشتے داریت یک گلے ءِ، استانے ءِ یا تحریکے ءِ شوربندی اڈ دیگ ءِ واستہ۔ انو ما یک پہ یک ءَ ایشی ءَ گیشینگ ءِ جھد ءَ کن ایں بزاں کہ اے عمل چہ کجا بندات بیت ءُ داں کجا آسر بیت۔
1 -پلیننگ اینڈ ڈاریکشن
بزاں کہ شوربندی ءُ گیشینتگیں راہ۔ اے انٹیلی جنس سائیکل ءِ بنکی بھر انت کہ ھمد ءَ چہ درستیں کار بندات بنت ءُ ھمد ءَ چہ زانگ بیت کہ اے کجام داب ءِ انٹیلی جنس پروگرامے۔ وھدے کہ چہ شوربندی اڈ دیوک ءِ نیمگ ءَ پرمان دیگ بیت انفارمیشن مُچ کنگ ءُ پٹ ءُ پول کنگ واستہ، گڑا لھتیں جُستانی دروشم ءَ بنت ءُ ھمے جُست انٹیلی جنس ڈاریکشن ءَ گیشین انت گڑا تو زانت کن ئے چہ داب ءِ انٹیلی جنس ئِے بزاں ملٹری انٹیلی جنس ئِے، اکانومیکل انٹیلی جنس ئِے، پولیٹیکل انٹیلی جنس ئِے یا کجام ھم بیت۔ ادا چہ زانگ بیت کہ انٹیلی جنس ءِ واستہ لھتیں جُست چینکس ارزشت دار انت، گڑا الّم انت کہ شریں دابے ءَ گیشینگ بہ بنت، مثال ءِ ھبر ءَ۔
اگاں من پرمان کنگ بیت کہ بلوچستان ءَ چہ ایران ءَ تریٹ ھست ءُ اے یک ڈاریکشنے کہ اے بابت ءَ انفارمیشن مُچ کنگی اِنت۔ بلے ھمے ڈاریکشن ءَ گیش سرپد بوگ ءِ ھاتر ءَ لھتیں کاؤنٹر جُست دیم ءَ کیت بزاں کہ بلوچستان ءَ کجام دابیں تریٹ ھست بزاں نشہ بلوچستان ءَ راہ دیگ بوگ ءَ انت، بلوچستان ءِ سر ءَ کبزہ گیریں دژمن ءَ کُمک کنگ ءَ انت، شِدّت پیداک کنگ ءَ انت یا سرجمیں ھواری ءَ بوگ ءَ انت، اے دابیں معملات بندات ءَ چہ گیشینگ بنت داں انٹیلی جنس ڈاریکشن سرجمی ءَ تچک بیت۔
2 – انفارمیشن کُلیکشن
ھمے رنگ ءَ دومی بھر ءَ کیت کلیکشن بزاں کہ انفارمیشن ءِ مُچ کنگ یا کجام ھم جیڑہ ءِ سر ءَ شریں دابے ءَ پٹ ءُ پول کنگ ءُ ھمے پٹ ءُ پول کتگیں انفارمیشن ءَ پریسگ ءِ واستہ رؤان دیگ داں ھمیشی وسیلگ ءَ جیڑہ ءِ توجیل کشگ بیت۔ باز رند ءَ جاورھال نگیگ بنت گڑا مُچ کُتگیں راڈیٹا تچک ءَ پیسلہ سازانی گْور ءَ روان دیگ بنت داں زوت ءَ چہ زوت شوربندی اڈ دیگ بہ بیت۔
اےانفارمیشن مُچ کنگ ءِ کاریچ ڈپینڈ کنت انٹیلی جنس سورسانی سر ءَ، بزاں سورس چنچو گیش مھکم بیت انٹیلی جنس ایجنسیانی گْور ءَ ھمینچو گیش راستیں ءُ بلاھیں کچے ءَ آ انفارمیشن مُچ بیت ءُ ھمینچو گیش ایجنسی وتی تہ ءَ مھکم بیت ءُ وتی استانی یا تنظیمی لوٹاں پیلو کت کنت۔ لھتیں کہ آ ھرچ کس ءِ گْور ءَ کارمرز بنت ءُ سک ءَ ارزشتدار انت۔ چو اے ڈول ءَ انت۔
یومین سورس:
یومین سورس ءَ چہ مول ءُ مراد ھمیش انت کہ انٹیلی جنس آپریشن مردمانی بزاں مُخبرانی کُمک ءَ چہ آسر کنگ۔ ءُ ایشی تہ ءَ انٹیلی جنس ءِ کُجام ھم کارے بوت کُت کنت انفارمیشن ءِ مُچ کنگ بیت یا دومی سیمی کارے۔ ءُ اےمخبر الّم نہ انت کہ تئی وتی استان یا کہ تنظیم ءِ مردم بہ بنت دَری مردم ھم اے کار ءَ زورگ ءُ ھوار کنگ بنت۔ پہ دورور 1962 الڈرچ ایمز CIA ءِ تجزیہ نگار ءِ چُک کہ وت ھم CIA ءَ بوتگ بلے 1985 ءَ چہ بگر سویت انسداد انٹیلی جنس ءِ سروکی ءَ کنت بزاں ڈبل ایجینٹ ءِ کار ءَ کنت، بلے رند ءَ 1994 دزگیر بیت داں مرچیگ ءَ بندیگ انت۔
ٹیکنیکل انٹیلی جنس سورس:
اے انٹیلی جنس آپریشنانی واستہ یا انفارمیشن مُچ کنگ ءِ ھاترا ھما ترزکار انت کہ آئی تہ ءَ مردمانی جاگہ ءَ ٹیکنیکل ٹولز کارمرز بنت۔ کہ ھستیں وھد ءَ دگنیا ءِ تہ ءَ آیانی لوٹ سک باز انت۔
اوپن سورس:
آسانیں لبز ءَ ماں گشت کن ءِ کہ سیکنڈری سورس بزاں ھما انفارمیشن کہ آ ساری ءَ چہ شنگ بوتگ ءُ ترا آسانی ءَ دست کپیت، پہ درور ھالتاک، ریڈیو، ٹیلیویژن ، بروڈکاسٹ ءُ دگہ۔ انٹیلی جنس سورساں ماں دیمتر ءَ شری ءَ گیشین ایں۔
3-پروسیسنگ اینڈ ایکسپلوائٹیشن
را ڈیٹا یا انفارمیشن وھدے کہ مُچ کنگ بیت گڑا تچک ءَ ایشانی بنیات ءَ پیسلہ سازی یا شوربندی اڈ دیگ نہ بیت الّم انت کہ ھمے انفارمیشن یک کاریچِےءَ گوازینگ بہ بنت داں ایشانی راستیں دروشم دیم ءَ بئیت۔ اے کاریچ ءِ تہ ءَ بازیں ترزکار ھوار انت بزاں کہ رجانکاری انت، ڈسکرپشن انت ءُ بازیں دگہ است انت کہ سک ءَ ارزشت دار انت۔ ءُ اگاں ھمے را ڈیٹا رجانک یا ڈیکوڈ کنگ مہ بنت داں انٹیلی جنس سک ءَ تاوان وارت، انچوشکہ 1990 ریڈیکل مسلم السید نوصیر ءَ یہودی ربی میر ھان ءَ کُشت ، گڑا پٹ و پول ءَ پولیس ءَ چہ السید نوصیر ءِ دوار جاہ ءَ لھتیں عربی ءَ نبشتہ کُتگ ایں ڈاکومنٹ دست کپیت۔
بلے انٹیلی جنس آیانی راجانک کنگ ءَ ارزشت نہ دنت ءُ ھمے سوب انت کہ 1993 دگنیا ءِ اولی کاروباری مرکز ءَ بمب تراکے بیت، رند ءَ کہ ھمے document رجانک کنگ بنت داں زانگ بیت اے سرجم ءَ ھمے بمب تراک ءِ گیشینتگیں شوربندی بوتگ۔
گڑا ما زانت کن ایں کہ انٹیلی جنس ءِ تہ ءَ کسان کسانیں فیکٹر چینکس ارزشت دار انت۔ ءُ ھستیں وھد ءَ پروسیسنگ سک ءَ برز شُتگ پرچا کہ ٹیکنالوجیکل ردوم ءِ کُمک ءَ بےکساس انفارمیشن مُچ کنگ بیت بلے اے جیڑہ دیم ءَ کیت کہ ھما ھرچ انفارمیشن کہ وتی اسلی دروشم ءَ نہ انت ءُ ھمے داب ءَ پریسگ نہ بیت گڑا آئی ءِ ڈیکوڈنگ ئیگ انت کہ آئی واستہ جتائیں کمپیوٹر سافٹویر کار مرز بیت۔
4- ئینلائز اینڈ پروڈکشن
بزاں پریسگ ءُ تیار کنگ ءُ ایشی ءَ چہ مول ھمیش انت کہ کُلیں مُچ کُتگیں انفارمیشن کجام ھم جاور ءَ بہ بنت آیاں مٹ کنگ ءُ کارآمدیں شئے ءِ دروشم ءَ دیم ءَ آرگ، دانکہ پیسلہ ساز ھمایانی وسیلگ ءَ چہ جتا جتائیں تنظیمی یا استانی شوربندی اڈ دات بہ کنت۔ ھمے کاریچ کہ آئی تہ ءَ راانفارمیشن پریسگ بیت ءُ یک آسرے ءَ سر کنگ بیت گڑا اے آسر کجام ھم دروشم ءَ بوت کنت اھوالے بوت کنت، شونشتے بوت کنت، پیشانکے بوت کنت یا دومی سیمی۔ ءُ اے کاریچ ءِ واستہ انٹیلی جنس ونگ ءِ تہ ءَ سکیں زانتکار ءُ کئواسیں مردمانی زلورت انت، دانکہ آ ھمے انفارمیشن ءَ نگدی نگاہے ءَ پَریست کت بہ کن انت۔
انٹیلی جنس کمیونٹ ءِ وسیلگ ءَ چہ ما زانت کن ایں کہ دگنیا ءِ تہ ءَ کریٹیکل تِنکَرانی سک لوٹ ھست ایشی ءِ درور مارا اد ءَ چہ دست کپیت وھدے کہ 9/11 ءِattack بیت گڑا IB ءِ دانک ءَ چہ پدر بیت کہ امریکن انٹیلی جنس کمیونٹی ءِ مستریں نزوری آئی گْور ءَ ھستیں انفارمیشنانی پریسگ ءِ تہ ءَ بوتگ، اگاں شریں دابے ءَ پریسگ بوتیں انت بگندے اے اٹیک نہ بوتگ ات۔ پریسگ ءِ کاریچ ءِ واستہ لھتیں مکینزم ھست انت کہ آیانی کُمک ءَ چہ را انفارمیشن پریسگ بنت ءُ اےمکینزم باز دروشم ئیگ انت۔
ءُ ڈپینڈ کن انت انفارمیش ءِ سر ءَ جتائیں انفاارمیشنانی واستہ جتائیں مکینزم کارمرز بیت۔ پہ درور ٹیکنیکل ئینلائزز کارمرز بیت ھائیلی اسپیشلائزڈ ڈیٹا ءِ واستہ۔ cryptanalysis کارمرز بیت دژمن ءِ انکرپٹڈ ڈیٹا ءِ واستہ داں دژمن ءِ شوربندی زانگ بہ بنت فوٹو انٹرپرٹیشن ھم یک ترزکارے کہ ایشی ءِ تہ ءَ زانتکاریں مردم ھما کہ گرافکس ءَ سرپد بنت مُچ کُتگیں انفارمیشن ءَ پریس انت۔
5-ڈسیشن اینڈ ایوو لوشن
ایشی ءَ چہ مول ءُ مراد ھمیش انت کہ ھما ڈیٹا کہ آئی ءِ واستہ پرمان کنگ بوتگ، ءُ آ مُچ کنگ ءُ پریسگ رند پیسلہ سازانی گْور ءَ راہ دیگ بیت، دانکہ پیسلہ ساز شوربندی اڈ دات بہ کن انت۔ اے انفارمیشن تچک ءَ آیانی سر ءَ رؤان دیگ بوت کنت یا انچین سیکیوریں جاگہے کہ اود ءَ چہ ھرچ وھد ءَ لوٹانی بنیات ءَ زورگ بہ بنت۔
اے چوناھا انٹیلی جنس کاریچ ءِ تہ ءَ گڈی بھر انت کہ اد ءَ پیسلہ سازی بیت ءُ ارزشت داریں بھر زانگ بیت برز ءَ نبشتہ کُتگیں سرجمی ءَ انٹیلی جنس ءِ کسانیں پجارے یا لھتیں فیکٹر انت کہ آیانی گیشینگ ءِ جھد بوتگ، بزاں انٹیلی جنس چے یے، انٹیلی جنس ءِ کار چے انت، انٹیلی جنس کار چون کنت، یا انٹیلی جنس ءِ زلورت پرچا ءُ کے ءَ بیت۔ بلے اے معملاتاں چہ ابید انٹیلی جنس سک ءَ پراہ ءُ شاھگان انت ءُ جتائیں تک ءُ پہنات ھست انت ئے۔ ھمیشاں چہ لھتیں زور ایں ءُ گیشینگ ءِ جھد کن ایں دانکہ انٹیلی جنس ءِ سرجمیں ایریا آنی سر ءَ نگاہ ایر بہ بیت۔ مثال ءِ ھبر ءَ
کاؤنٹر انٹیلی جنس
کاؤنٹر انٹیلی جنس ءِ گیشینگ چوناھا سک گران انت بلے آسانیں لبزاں کاؤنٹر انٹیلی جنس وتی استان وتی گل وتی پروگرامانی جنزینگ ءُ وتی انٹیلی جنس ءَ چہ دژمنیں تاکتاں یا دومی انٹیلی جنساں رکینگ انت، بزاں چوشیں ھچ انفارمیشن دژمن ءِ دست ءَ مہ کپیت کہ تئی ھلاپ ءَ کارمرز بہ بیت۔
کاؤنٹر انٹیلی جنس ھمینچو مزن انت ھمینچو کہ انٹیلی جنس وتی تہ ءَ۔ گڑا ما گشت کن ایں انفارمیشن ءِ مُچ کنگ آیانی وسیلگ ءَ پیسلہ سازی کنگ استان ءِ اولی مکسد انت، بلے دومی مکسد کاؤنٹر انٹیلی جنس ءَ ھوار بوگ انت۔ دژمن یا دَری انٹیلی جنس مدام ھمے شوھاز ءَ انت کہ چہ پیم دومی استانانی چیریں ادارھانی انفارمیشن دست بہ کپیت بلے ھمد ءَ کاؤنٹر انٹیلی جنس ءِ کرد بنا بیت کہ اولی کار ھمینچو گیش انفارمیشن مُچ بوت کنت ھمینچو شر ءُ دومی چینچو گیش وتی انفارمیشناں چہ ڈَنی ادارھاں پھازت کت کنت استان یا گل ھمینچو مھکم بنت۔
چوناھا کاؤنٹر انٹیلی جنس دو بھرانی تہ ءَ بھر انت اولی، (ڈِفین سیو ءُ دومی اوفین سیو)۔ ڈفین سیو آپریشن ءِ تہ ءَ انٹیلی جنس سک ءَ لُک بیت ءُ وتی ادارہ ءِ تہ ءَ پٹ ءُ پول کنت کہ آیا ادارہ ءِ چیریں راز کمپرومائز نہ بوتگ انت یا ادارہ ءِ تہ ءَ مخبریں مردم ھوار مہ کپیت۔ دومی اوفین سیو آپریشن ءِ تہ ءَ انٹیلی جنس چہ وتی ادارہ ءَ ڈن کاروائی کنت ءُ ھمے پٹ ءُ پول ءِ تہ ءَ بیت کہ ڈنی انٹیلی جنس چے سُر ءُ پُر کنگ ءَ انت یاں ڈَنی انٹیلی جنسانی مخبر مئے گراؤنڈ ءَ کار ءَ انت یا نہ ءُ اگا کجام ھم انٹیلی جنس ءِ مخبرے دستگیر کنگ بیت، کاؤنٹر انٹیلی جنس ءِ جھد بیت کہ آئی ءَ رازی بہ کنت وتی انٹیلی جنس ءِ مخبری ءِ واستہ بزاں کہ ڈبل ایجینٹ ءِ کار ءِ واستہ۔
انچوشکہ برز ءَ نبشتہ انت کاؤنٹر انٹیلی جنس ءِ مستریں کنسرن وتی انفارمیشن ءِ پھازگ ءُ دژمن ءِ دست ءَ چہ رکینگ انت گڑا ھمے درگت ءَ ادارہ وتی انفارمیشناں سے بھرانی تہ ءَ بھر کنت، بزاں top secret , secret , confidential اے بھر ءُ بانگی ھمے بنیات ءَ کنگ بیت کجام انفارمیشن دژمن ءِ دست ءَ بہ کپیت مارا گیش تاوان دات کنت، ءُ اے داب ءِ انفارمیش وتی ادارہ ءِ ھرچ باسک ءِ اپروچ ءَ ھم نہ انت ابید ءِ لھتیں ایکسپرٹانی گْور ءَ ھست انت۔
کاؤنٹر اسپیو نیج
انٹیلی جنس ءِ کار چوناھا سک گرانیں ءُ ترسناکیں کارے زانگ بیت ءُ ھاسکر یک spy یے بزاں کہ مخبر ءِ واستہ کہ آ دومی استان ءِ یا کہ زمین ءِ سر ءَ روت ءُ وتی کار ءَ پیلو کنت کہ آئی ءَ مدام کاؤنٹر اسپیونیج ءِ دیمپان بوگی انت، ءُ یک مخبر ءِ ھما وھد ءَ اے دابیں ترسناکیں یا گرانیں عمل ءِ واستہ تیار بیت کہ آئی ءَ وتی انٹیلی جنس ایجنسی ءِ سر ءَ اوست بہ بیت کہ ھرچ وڑیں جاوراں منی واستہ پشت ءَ مردم ھست انت اگاں اوست مہ بیت گڑا اے دابیں کاراں ھوار نہ کپیت۔
پرچا کہ اے میان ءَ یک مخبرے گرگ ھم بوت کنت، برگ ھم بوت کنت۔ کاؤنٹر اسپیونیج ءِ مدام کنسرن ھمے معملاتانی سر ءَ انت ءُ جھد ھمیش انت کہ وتی چیریں رازاں چہ دژمن ءِ مخبر ءَ بہ پھریز ایت ءُ مخبر ءِ سرجمیں سر ءُ پرانی سر ءَ نگاہے ایرکنگ ءُ پریسگ ءَ رند وتی لوٹانی رد ءَ آیاں کارمرز کنت، بزاں دژمن چے لوٹگ ءَ انت، آئی کار ءِ داب کجام انت، چے کنگ لوٹیت یا کہ مخبر ءَ دسگیر کنگ ءُ پدا وتی واستہ کارمرز کنگ بزاں کہ ڈبل ایجینٹ جوڑ کنگ۔ چوناھا کاؤنٹر اسپیونیج ءِ وتی ترزکارے کہ ھمائی بنیات ءَ کاؤنٹر اسپیونیج ءِ عمل جنزگ ءَ انت۔
سرولینس آپریشن
اولی راہ دژمن ءِ انٹیلی جنس یا کہ سر ءُ پر ءِ بابت ءَ زانگ ءِ واستہ یک استانے ءِ گْور ءَ سرولینس آپریشن انت کہ آئی وسیلگ ءَ چہ تو کجام ھم مردمے ءِکجام ھم کار ءِ واستہ کجام کجام ھم پوزیشن ءِ بنیات ءَ تئی ڈومین ءِ تہ ءَ اتکگ تو آئی ءِ سر ءَ نگاہے ایرکن ئے۔پہ درور، سَپر، اھوالکار، کاروباری مردم، سرکار یا میڈیا ءِ مردم یا دومی سیمی دروشم ءَ بوت کنت۔ کہ اے کجا رؤنت، گوں کَے نند انت، گوں کَے گپ جن انت داں زانگ بہ بیت کہ اے cover spy نہ انت۔
ڈفیکٹَر
ھمے رد ءَ ما گندیں کہ کاؤنٹر اسپیونیج ءِ تہ ءَ defector ءِ ھم سکیں بلاھیں باوستے۔ ڈفیکٹر ءِ لبزی بزانت وا گَدار یا دلاری انت ءُ انٹیلی جنس ءِ تہ ءَ مخبر ءِ نگاہ ءَ چارگ بیت کہ یک مردمے یا کجام ھم انٹیلی جنس ایجنسی ءِ باسکے وتی ادارہ ءَ گوں دلاری کنت، بزاں کہ وتی ادارہ ءِ چیریں رازاں کَشیت ءُ وتی زاتی پائدگ ءِ واستہ دومی انٹیلی جنس ایجنسی ءِ گْور ءَ سر کنت۔
یا کاؤنٹر اسپیونیج ءِ تہ ءَ انٹیلی جنس ایجنسی وتی مردم ءَ دومی انٹیلی جنس ءِ تہ ءَ وڑے نا وڑے ءَ جاگہ دنت داں زانت بہ کنت کہ دژمن انٹیلی جنس منی سر ءَ چونین شوربندی اڈ دیگ ءَ انت ءُ کجام مردم منی مخبری ءَ کنگ ءَ انت داں آیانی زانگ ءَ رند وتی کاؤنٹر انٹیلی جنس شوربندیاں اڈ دات بہ کنت۔ ایشی ءِ مستریں درور مارا 1985 ءِ دھک ءَ Vitaliy Yurchenko ءِ دروشم ءَ گندگ ءَ کیت کہ آ سویت یونین ءِ مردم ءِ بوتگ بلے CIA ءِ تہ ءَ کار ءَ بوتگ۔ ءُ اے میان ءَ سویت ءِ ھلاپ ءَ CIA ءِ مخبرانی انفارمیشن مُچ کُتگ انت ءُ سویت ءِ گْور ءَ رسینتگ۔ ھمے انفارمیشن ءِ برورد ءَ سویت کاؤنٹر اسپیونیج ڈپارٹمنٹ CIA ءِ مخبرانی ھلاپ ءَ کاروائی بنا کنت۔
ڈبل ا یجینٹ:
ھمے رد ءَ مارا کاؤنٹر اسپیونیج ءِ تہ ءَ ڈبل ایجینٹ ءِ ھم دروشم گندگ ءَ کیت۔ ڈبل ایجینٹ ءَ چہ مراد ھما مردم کہ دژمن ءِ سر ءَ مخبری کنگ ءِ واستہ گچین کنگ بوتگ ھمائی واستہ وتی انٹیلی جنس ءِ ھلاپ ءَ مخبری بنا کنت۔ اے کاریچ ھما وھد ءَ بنا بیت وھدے کہ یک مخبرے دستگیر کنگ بہ بیت گڑا کاؤنٹر اسپیونیج ٹیم ءِ اولی مکسد ھمے بیت کہ آئی گْور ءَ چہ انفارمیشن کشگ بہ بنت ءُ دومی آئی ءَ وتی واستہ کارمرز کنگ بزاں کہ آئی ءَ رازی کنگ کہ آ وتی انٹیلی جنس ایجنسی ءِ مخبری ءَ بہ کنت۔ بزاں دژمن ءِ اسپائی نیٹورک ءَ پدر کنگ ءُ آئی ءَ دارگ، نوکین مخبر کہ دژمن ءَ ھمے کار ءَ ھوار کتگ انت آیاں پجارگ ءُ دستگیر کنگ، دژمن ءِ انٹیلی جنس لیڈرشپ ءِ بابت ءَ انفارمیشن مُچ کنگ، ءُ دومی سیمی کاراں کُت بہ کنت۔
ڈیسپشن:
انچوشکہ کاؤنٹر انٹیلی جنس ءِ سرجمیں کار دژمن ءِ انٹیلی جنس نزور کنگ ءُ آئی دیم ءَ پیسلہ سازی ءِ واستہ اڈاند پیداک کنگ انت گڑا کاؤنٹر انٹیلی جنس ءِ تہ ءَ یک مستریں فیکٹرے کہ آئی سان انٹیلی جنس ایجنسی ءَ سک ءَ تاوان بار کنت آ ڈیسپشن انت۔ deception is providing the disinformation.۔بزاں زانت ءِ وت دومی انٹیلی جنس ایجنسی ءِ گْور ءَ ردیں انفارمیشن رسینگ ءُ آئی ءَ رد دیگ انت۔ ءُ دومی ایجنسی ھمے انفارمیشن ءِ بنیات ءَ پیسلہ سازی کنت کہ آئی ءَ تاوان رسیت ءُ ترا پائدگ۔
اے کار ءِ واستہ انٹیلی جنس ایجنسی ءِ گْور ءَ مستریں وسیلگ ڈبل ایجینٹ انت، کمیونیکیشن نیٹورک انت۔ ڈیسپشن انٹیلی جنس ءِ مستریں بے سوبی زانگ بیت ءُ اے ترزکار بازیں پڑ ءَ کارمرز بیت آ تُری جنگی میدان بہ بیت، روزیگی میدان بہ بیت یا سیاسی میدان بہ بیت۔ جنگی جاورالاں ڈیسپشن سکیں لس چیزے بزاں جنگ ءِ تہ ءَ وتی جنگی تاکت ءِ کسانیں بھر ءِ رؤان دیگ دانکہ دژمن وتی سرجمیں تاکت ءَ ھمیشی سر ءَ کارمرز بہ کنت ءُ چہ دومی نیمگ ءَ گوں بلاھیں تاکت ءَ ارش کنگ، ڈیسپشن زانگ بیت۔
اے ھرچی کہ ڈبیٹ انٹیلی جنس ءِ بابت ءَ بوتگ سرجم ءَ استانی کنٹیکسٹ ءَ بوتگ بزاں یک استانے وتی پھازگ ءُ دژمن ءَ نزور کنگ ءِ ھاتر ءَ ءَ انٹیلی جنس ءَ کُجام نگاہ ءَ چاریت ءُ کجام داب ءَ کارمرز ئِے کنت۔ نوں ما کائیں انٹیلی جنس ءَ نَن اسٹیٹ ایکٹرانی کنٹیکسٹ ءَ چارگ ءِ جھد کن ایں۔ بزاں یاگی ٹولیانی گْور ءَ انٹیلی جنس ءِ کَچ ءُ کساس چے انت ءُ کجام انٹیلی جنس فیکٹر نَن اسٹیٹ ایکٹرانی گْور ءَ کارمرز بنت۔
انٹیلی جنس آف نَن اسٹیٹ ایکٹر اینڈ انسرجینٹ گروپ:
By David Strachan Morris) ) چوناھا انٹیلی جنس ءِ وھدے کہ گپ کیت ایں گڑا ایوک ءَ استانانی واستہ زانگ نہ بیت بلکیں non-state actors بزاں ھما ادارہ، ھما گل کہ آ استانی پجارے نہ دار انت بلے وتی تہ ءَ یک آرگنائزیں سٹریکچرے اَنت آیاں ءِ گْور ءَ ھم انٹیلی جنس یونٹ ھست انت یا انٹیلی جنس ایجنسی وجود دارانت۔ اے مارا violent non-state actor non ءُ violent non-state actor آنی دروشم ءَ گندگ ءَ کیت۔
پہ درور دگنیا ءِ کہ ھرچی (این جی او) ھست انت ھرچی کہ( یومین رائیٹس ادارہ )ھست انت سرجم ءَ نَن وائلینٹ نَن اسٹیٹ ایکٹرانی تہ ءَ کاینت ءُ ایشانی کار سرجم ءَ انٹیلی جنس ءَ گوں بندوک انت داں ایشانی گْور ءَ شریں انفارمیشنے بہ بیت ءُ آئی سبب اے دگنیا ءِ تہ ءَ نزوریں استانانی کُمک ءَ کُت بہ کن انت۔ ءُ دومی نیمگ ءَ ھرچ ناشرکاریں، مذہبی گروپ، آزاتی لوٹوکیں گل ءُ دومی سیمی یاگی ٹولی کہ ھست انت اے کلُاں ما بروڈ کنٹیکسٹ ءَ زوریں گڑا انسرجینٹ گروپ ءِ نام دات کن ایں۔
اے کُل وائلینٹ نن اسٹیٹ ایکٹرانی تہ ءَ کاینت۔ ما گندیں کہ بازیں نبشتہ کاراں انٹیلی جنس انچین دابے ءَ گیشینتگ کہ آئی تہ ءَ نن اسٹیٹ ایکٹر ھوار نہ بنت چوشکہ نبشتہ کار (Michael Warner) گُشیت کہ انٹیلی جنس چیریں عملے کہ آئی کار دَری استاناں سرپد بوگ ءُ آیانی سر ءَ سان دور دیگ انت، اے پجار نہ ایوک ءَ انٹیلی جنس ءَ نا سرجم کنگ ءَ انت بلکیں نن اسٹیٹ ایکٹراں ھم ھوار کنگ ءَ نہ انت، بلے دگہ جاگھے ما گندیں انٹیلی جنس چو اے داب ءَ گیشیتگ کہ انسرجینٹ انٹیلی جنس ھم استان ءِ انٹیلی جنس ءِ دروشم ءَ کار کنت بزاں انفارمیشن مُچ کنگ، ایشاں پَریسگ ءُ ھمیشانی وسیلگ چہ وتی گلی لوٹاں سرجم کنگ۔
ھمے رد ءَ PETER GILL ءُ MARK PHYTHIAN نبشتہ کن انت ءُ انٹیلی جنس ءَ لھتیں فیکٹرانی بنیات گیشین انت، چوشکہ مرکزی رازاداریں کاران نشانگ جوڑ کنگ، آیانی سر ءَ انفارمیشن مُچ کنگ، تجزیہ کنگ ءُ ھمیشانی سبب ءَ کاروائی کنگ۔ اے کاروائیانی مول ءُ مراد وتی سیکیورٹی ءَ گیش کنگ ءُ دژمن ءَ چکاسگ ءُ آئی ارش ءَ چہ ساری وت ءَ را مھکم کنگ۔ اے پجار ءَ چہ ما زانت کن ایں کہ انٹیلی جنس ایوک ءَ استان ءِ واستہ انفارمیشن ءِ مُچ کنگ ءُ آئی پَریسگ نہ انت بلکیں انٹیلی جنس ھمُک ادارہ ءِ پھریزگ ءُ دژمن ءَ پروش دیگ ءِ بُنکی شے انت۔
دیمتر ءَ نبشتہ کنت کہ انٹیلی جنس ءَ گیشتر نن اسٹیٹ ایکٹر کارمرز کن انت، adoptive realism ءِ بنیات ءَ بزاں کہ آیانی میان ءَ ءُ استانی تاکت ءِ میان ءَ بلاھیں تپاوتے گندگ بیت ءُ ھمے تپاوت ءِ ھلاس کنگ ءِ ھاتر ءَ اے ادارھانی گْور ءَ مستریں شئے انٹیلی جنس انت کہ آئی وسیلگ ءَ چہ دوئینانی تاکت بیلینس کنگ بیت، بزاں کہ گوں کمیں مردماں، گوں کمیں مَڑی ءَ اگاں تئی گْور ءَ شریں انٹیلی جنس بہ بیت تو دژمن ءَ بلاھیں تاوانے دات کن ئے۔ ھمے گپ ءَ دیم ءَ بران ءَ نبشتہ کنت کہ انٹیلی جنس تاوان دیگ ءُ تاوان ءَ چہ رکینگ ءِ وتواکی یے۔
ءُ ھرچ ادارہے تُری ریاستی یا گیر ریاستی بہ بیت وت ءَ را اے وتواکی ءِ کَچ ءَ رَسینت کُت بہ کنت آئی گْور ءَ انٹیلی جنس وجود داریت۔ اد ءَ چہ دگہ جُستے پیداک بیت کہ نن اسٹیٹ ایکٹر کجام داب ءَ فنکشن کن انت، چے دابیں روشت ءَ گوں کار کن انت آیا ریاستی ادارھانی داب ءَ یا کہ یاگی ٹولیانی وتی جتائیں ھاسیت بنت، ھمیشی سر ءَ John Gentry کہ یک انٹیلی جنس اینالسٹے گشیت کہ یاگی ٹولیانی بزاں کہ نن اسٹیٹ ایکٹرانی انٹیلی جنس ءِ کار ءَ دیم ءَ جنزینگ ءِ ءُ وتی لوٹاں پیلو کنگ ءِ وتی جتائیں پرتشددیں روشتے۔ گڑا لھتیں فیکٹر زوریت ءُ ھمیشانی سبب ءَ ریاست ءُ گیر ریاستی ادارھانی میان ءَ انٹیلی جنس ءِ تپاوت ءَ گیشین ایت۔
انٹرنل سیکیورٹی:
Gentry گشیت کہ استان انٹیلی جنس ءَ بَرے بَرے کارمرز کن انت انٹرنل سیکیورٹی ءِ واستہ بلے پرتشدد نن اسٹیٹ ایکٹر انٹیلی جنس ءَ مدام انٹرنل سیکیورٹی ءِ واستہ کارمرز کن انت۔ استانانی گْور ءَ اِنٹرنل سیکیورٹی 9/11 ءَ چہ رند ارزشت دار بوتگ ءُ آئی ءِ مستریں کنسرن وتی لس مھلوک ءِ ایمنی ءُ سلامتی ایں۔ بلے یاگی ٹولیانی گْور ءَ اِنٹرنل سیکیورٹی ءِ پجار یا کارمرزی سرجم ءَ مٹ اِنت اولی استانی تاکت ءِ دیمپان بوگی انت کہ استانی تاکت ءِ تھی ڈومین ءِ تہ ءَ سرمہ کپیت، ءُ دومی وتی باسکانی مونیٹرنگ انت۔
آیانی جزم زندگ دارگی انت داں آ وتی مکسد ءَ چہ چک ءُ پد مہ بنت۔ ایشی درور مارا نارتھ ویتنام کمیونسٹانی آجوئی جنز ءِدروشم ءَ گندگ ءَ کیت۔ ھمے رد ءَ دیمتر ءَ دگہ چیزے گیشین ایت کہ آ کلیکشنءُ اینلائز انت بزاں انفارمیشن مُچ کنگ ءُ آئی ءَ پریسگ داں شوربندی اڈ دات بہ کن ئے، اد ءَ ھمے تپاوت گندگ ءَ کیت کہ استان سک باز فیکٹرانی سر ءَ بندوک انت وتی انفارمیشن مُچ کنگ ءِ ھاتر ءَ بلے یاگی ٹولی گیشتری بندوک انت یومین سورسز ءِ سر ءَ بزاں لوکل انٹیلی جنس ءِ۔ ءُ استان ھمے مُچ کُتگیں انفارمیشنانی بنیات ءَ سک باز شوربندی اڈ دنت بلے یاگی ٹولیانی گیشتریں شوربندی جنگ ءَ گوں بندوک انت۔
ھمے وڑ ءَ gentryگُشیت کہ استانانی واستہ کاؤنٹر انٹیلی جنس ءُ کَورایکشن سیکینڈری کارانی تہ ءَ زانگ بنت بلے یاگی ٹولی ءُ گیشتری ھما کہ جنگ ءِ تہ ءَ انت آیانی واستہ پرائمری فنکشن زانگ بیت۔ گڑا اے لھتیں فیکٹرانی سبب ءَ ما زانت کن ایں کہ ریاستی ءُ گیر ریاستی ادارھانی انٹیلی جنس یک داب ءَ یا یکین تَب ءَ گوں نہ جنزیت ءُ وتی تہ ءَ تپاوت داریت۔
نن اسٹیٹ ایکٹرانی مدام کنسرن جنگی مھاز یا کہ ریڈیکل آپریشن بنت، ءُ باز بر ءَ ما گندیں کہ یاگی ٹولی کامن انٹریسٹ بزاں سیاسی، روزیگی یا جاگردی لوٹانی بنیات ءَ وت مہ وت ءَ کُمک کن انت ءُ اے کُمک مارا انٹیلی جنس ءِ پڑ ءَ ھم گندگ ءَ کیت کہ ادارہ یکے دومی ءَ گوں انفارمیشن بھر کن انت۔ ھمے سبب انت کہ بقول ءِ David Galula ءِ انسرجنسی چہ کلاسکل اھد ءَ در اتکگ انت ءُ ماڈرن اھد ءَ شریں پوزیشنے گپتگ اِش ءُ ھمے انٹیلی جنس انت کہ مرچی بازیں جاگہ ءَ تاکت چہ استانانی دست ءَ پولگ بوتگ ءُ یاگی ٹولیانی دست ءَ اتکگ۔
ماں گندیں کہ اسٹیٹ ایکٹرانی گْور ءَ انٹیلی جنس سورس ھست انت ھمے رنگ ءَ نَن اسٹیٹ ایکٹرانی گْور ءَ ھم انٹیلی جنس سورس ھست اِنت، مثالء ھبر ءَ انٹیلی جنس ءِ واستہ، انفارمیشن مُچ کنگ ءِ واستہ، دژمن ءِ سر ءَ نگاہ ءِ ایر کنگ ءِ واستہ کہ آ چے کنگ ءَ انت، چے جیڑگ ءَ انت، ءُ دژمن ءِ تاکت چینکس انت ءُ منی واستہ شرتریں راہ کجام انت یومین سورس بزاں کہ لوکل سورس، ایجنٹ یا مخبر کارمرز کنگ۔
دومی سورس سگنل انت کہ ایشی تہ ءَ انسرجینٹ انٹیلی جنس دژمن ءِ رابتکاری ءِ نظام، ریڈیو، ایمیل، سیٹلائیٹ، ءُ دومی سرجمیں سوشل میڈیا ایپلیکیشناں کارمرز کنگ ءِ جھد ءَ کنت۔ اوپن سورس ھم شریں وڑے ءَ کارمرز بیت، کہ ایشی تہ ءَ انسرجینٹ ٹولی سرجمیں سیکنڈری سورساں کارمرز کنت وتی کاروائیاں گیش مھکم کنگ ءِ ھاتر ءَ۔
فنکشن آف انٹیلی جنس اینڈ آپریشن:
گیر ریاستی ادارہ ءِ کاروائیانی تہ ءَ سٹریٹجک سوبمندی ءِ ھاتر ءَ انٹیلی جنس ءِ سکیں بلاھیں کردے زانگ بیت۔ کہ آئی سک باز ڈائمینشن انت۔ اولی انٹیلی جنس ءِ کُمک ءِ رد ءَ پلیننگ ءُ تیاری کنگ ءَ کُمک رسیت۔ دومی ٹارگٹ ءِ زانگ ءَ کُمک کنت۔ءُ نن اسٹیٹ ایکٹرانی مکسد ءَ گیش مھکم کنگ ءُ کمیں مَڑیاں شریں دابے ءَ کارمرز کنگ ءِ قابل کنت، ءُ گڈی ایش کہ کاروائی ءِ تہ ءَ گرانیں جاوراں کم کنت ءُ کاروائی ءِ تہ ءَ ھوار بوتگیں مردمان پہ سلامتی درآیگ ءَ کُمک کنت۔
پلیننگ اینڈ پِرےپیا ریشن:
یاگی ٹولیانی واستہ انٹیلی جنس آپریشنانی بُنکی ءُ ارزشداریں شئے planning and preparation انت۔ ما گشت کن ایں کہ اے پوزیشن ءَ ادارہ وتی یک روڈ میپے گیشین ایت، بزاں چینچو مَڑی من ءَ لوٹیت، چینچو مردم زلورت انت، اے کار کجام وھد ءَ ءُ کجام داب ءَ کنگ بہ بیت ءُ وتی سنگت پدا چوں سلامتی ءَ درکنگ بہ بنت۔ اے سرجمیں ماملات ھمے روڈ میپ ءِ تہ ءَ گیشینگ بنت۔
ٹارگٹ اڈینٹی فکیشن اینڈ اسیسمنٹ:
کجام بی کاروائی ءِ تہ ءَ ٹارگٹ ءِ شناخت کنگ ءَ آئی ءَ اوپریٹ کنگ ءِ تہ ءَ انٹیلی جنس ءِ بُنکی کردار ءِ ھست مثال ءِ ھبر ء َ ارزشداریں جاگہ آنی یاں مردمانی گچین کنگ اسٹریٹجک مفاد آنی واستہ ۔گڈا الّم انت کہ تہی گْور ءَ کُلیں انفارمیشن بہ بیت ءُ شریں دابے ءَ پریسگ بہ بنت۔ نن اسٹیٹ ایکٹرھما ٹارگٹ آنی گچین کاری ءَ کنت کہ آئی ءَ گیش سٹریٹجک پائدگ ءُ دژمن ءِ سر ءَ گیش سان دور دنت، بلے اے پیسلہ سازی سرجم ءَ بندوک انت انٹیلی جنس ءِ سر ءَ ، بزاں جتائیں سورس آں چے انفارمیشن مُچ کنگ ءُ آئی ءِ انٹیلی جنس ءِ تہ ءَ مٹینگ ءَ رند ادارہ اے کَچ ءِ پیسلہ زرت کُت کن انت۔
ھمیشی بنیات یاگی ٹولی کجام ھم ٹارگٹ ءِ نیمگ ءَ رؤنت آئی تاوان ءُ پائدگانی ھم کَچ ءُ کساس ءَ کُت کن انت، کہ اے کار ءِ تہ ءَ مارا تاوان گیش رسیت یا پائدگ گڑا ھمے رد ءَ پیسلہ سازی کن انت۔ اے کاریچ گیشتری یاگی ٹولیانی جنگی آپریشنانی تہ ءَ کارمرز بنت کہ سرجمیں تک ءُ پھناتانی وانگ ءُ زانگ ءَ رند آپریشن اوپریٹ کنگ بنت داں ادارہ وتی سٹریٹجک لوٹاں سرجم ءَ گِپت کُت بہ کنت۔
رِسک میگنی چیوڈ اینڈ سیکیورٹی میئر منٹ :
یک مستریں فیکٹرے رسک انت، کہ یاگی ٹولیاں مدام وتی انٹیلی جنس آپریشن چہ تاوان ءَ پھازگ لوٹ انت ایشی واستہ مستریں کار سیکیورٹی میئر منٹ انت۔ کجام ھم ادارہے بہ بیت آ زانت کنت کہ کجام جاگہ ءُ کجام داب ءَ ا نٹیلی جینس آپریشن ءَ تاوانے رست کنت، اے تاوان مَڑیانی بوت کت کنت، کاؤنٹر انٹیلی جنس بوت کت کنت، وتی مردمانی بوت کُت کنت، اے ماملاتاں سرجمیں تک ءُ پھناتاں چہ چارگ ءُ پدر کنگ ءَ رند ایشانی تاواناں کَم ءَ چہ کَم کنگ ءِ جھد کنگ بیت۔
ھمےسَوَب انت کہ یاگی ٹولی سٹریٹجک ءُ مھکمیں انٹیلی جنس آپریشنانی برورد ءَ مرچی دگنیا ءِ بازیں کُنڈے ءَ چہ استاناں گیش توانگر انت۔ ھمے باوست ءَ دیم ءَ بران ءَ ما لمیٹڈرسورسز بزاں کمیں مَڑی ءُ کاؤنٹر انٹیلی جنس ءِ تاواناں چاریں، بزاں نن اسٹیٹ ایکٹرانی سر ءَ ایشی سان چون کپ انت، یا نن اسٹیٹ ایکٹر چون اے معملاتانی سر ءَ کاروائی کن انت۔
انن اسٹیٹ ایکٹر مدام گرانیں جاورالانی دیمپان بیت یک استانے ءِ مقابلہ ءَ گوں وتی کمیں مَڑی ءُ ٹیکنیکل بودناکیانی سبب ءَ۔ اے ٹولی مدام کمیں مَڑیاں گوں کار کنت ھمے سبب ءَ گرانیں جاورھال پیداک بیت، انفارمیشن مُچ کنگ ءِ تہ ءَ، پریسگ ءِ تہ ءَ، آپریشنل ٹارگٹ وھد ءُ ترزکار گیشینگ ءِ تہ ءَ۔ چوناھا اے ٹولیانی مدام جھد ھمے بیت کہ شریں رسورسزاں اپروچ بہ کن انت پہ درور ایڈوانس سرولینس کمیونیکیشن، سائبر سیکیورٹی، ءُ دومی سیمی بلے اے ٹولیانی گْور ءَ اے سرجمیں رسورسزانی بوگ ءِ گنجائش سک کم انت ھمے سبب انت کہ اے ٹولی گیشتر ڈپینڈینٹ انت لوکل انٹیلی جنس سورسانی سر ءَ۔
ھمے جیڑہ ءِ سبب ءَ یاگی ٹولیانی واستہ یک دگہ اڈاندے پیداک بیت کہ آ وتی باسکانی تربیت انت، اگاں تئی گْور ءَ شریں ءُ درستیں روسورسز مہ بنت گڑا کجام ھم ادارہے وتی باسکانی پروفیشنل ٹریننگ ءَ کُت نہ کنت۔ بلے ایشی توجیل ءَ یاگی ٹولی آلٹر نیٹیو ءِ نیمگ ءَ رؤنت کہ آ دومی ٹولیاں چہ کُمک زورگ انت،کہ رسورسانی دروشم ءَ، انفارمیشن زورگ ءِ دروشم ءَ، یا وتی باسکانی تربیت۔
***
