مغربی بلوچستان کے شہر ایرانشہر کے نواحی علاقے دامن میں دو فورسز کی گاڑیوں پر مسلح افراد نے حملہ کیا ہے جس میں سرکاری ذرائع ابلاغ کے مطابق کم از کم 5 اہلکار ہلاک ہوئے ہیں۔
کہا جارہا ہے کہ مسلح عسکریت پسندوں نے دامن پولیس اسٹیشن کے دو گشتی یونٹوں پر اس وقت حملہ کیا جب وہ خاش ایران شہر ہائی وے پر سیکورٹی آپریشن کر رہے تھے۔
یہ حملہ جمعہ کو پیش آیا، جس میں کم از کم5 ایرانی اہلکار ہلاک ہوگئے۔
مسلح حملے کی ذمہ داری جیش العدل نے قبول کرلی ہے۔
جیش العدل نے ایک بیان میں دعویٰ کیا ہے کہ اس کے جنگجوؤں نے پولیس فراجا کے ایک گشتی یونٹ کو نشانہ بنایا، اور ہلاک اہلکاروں کے ہتھیار بھی اپنے ساتھ لے گئے۔
عینی شاہدین کے مطابق حملہ دامن کے مرکزی شاہراہ پر اس وقت ہوا جب فورسز کی گاڑیاں وہاں سے گزر رہی تھیں۔
حملے کے بعد ایرانشہر اور خصوصاً دامن کے اطراف میں سیکیورٹی سخت کردی گئی ہے۔
