زمین ءُ آک ءِ مھر تاسپیں بچاں وتئی مھروانیں ءُ پُرمھریں ھمبازاں اَنچوش زِیراَنت کہ بَچ وتئی اِشک ءَ گنوک ءُ دیوانگ بنت ءُ اِے دیوانگ پہ وتئی زمین ءُ آک ءَ سرمچار بنت ءُ کوہ ءُ گَراں ھیاگی بنت کہ مارا زمین ءِ پُرمھریں ھمبازانی ھَک ھَدا کنگی اِنت۔
مرچی یازدَہ اگست اِنت ، بزاں بلوچستان ءِ آجوئی ءُ زمین اَشیکیں نودی ءُ سناہ ءِ سال روچ اِنت، داں بلوچ است اِنت شُما اَست ءُ اَبدمان ئے ، اے زمین ءِ اَنچیں مھرے گوں ارکساں نہ بیت بلے شُمئے داتگیں دیمونی پہ اے بزّگیں راج ءَ مُدام یات بنت۔۔۔۔۔۔
سنُل من ترا دیریں ندیست بس کدی کدی ھال بیتگ زمین جُمب ءُ آزادی ءِ جنگ کے ءَ کُجا بارت ھچ زانگ نہ بیت مرچی تئ شھیدی ءِ سال سرجم اِنت تو انگت مئے دل ءَ ئے ءُ شُمے داتگیں دیمونی ءَ من وتی پرز لیکاں ءُ پیلو کناں۔
من ترا 2016 ءَ چی رند ندیستگ بس برے برے ھالے بیتگ سال گوازان بیتاں من ھم زمین ءِ جنگ ءَ آوار کپتاں سپر روان اَت یک روچے ما سنگتانی نیمگ ءَ شُتیں سال 2022 ءَ امودہ گُڈا ترا گوں دُچار کپتیں دل سک وش بیت 6۔سال ءَ رند ترا دیت من سک گل بیتاں دیوانے بیت داں دو روچ ءَ من شُمے کیرا داشت ہدا مہ در کپتیں وتی نیمگ ءَ شُتیں ھال بیان ات۔
من یک روچی گوں ترا کال کُت من جاگہ ءِ سپرے ءِ ارادہ کُرتگ اَت تو منا پسو دات سُبا ءَ کایاں تئ رند ءَ پجیگ ءَ رویں۔ شپ گواست سُب بیت ترا 3۔سنگت ھمراہ ءَ تو اتکی سپر روان ات من دلا بے اے نہ جیڑیت تئ اے گُڈّی سپر بیت پدا تو مئے میان ءَ نبے بس یاد بنت۔سپر سرجم بیت تو وتی کارانی نیمگ ءَ شُتے من وتی 9۔اگست ءِ شپا بس یک کسانیں ھالی بیت من جُست کُت چونے؟
دمانے ءَ پد پسّہ دات تو من وشاں تو چونے تئ نیمگ ءِ سنگت چونا؟
من پسّہ دات مئے نیمگ ءَ کُل وشاں بس ھُدا شُمارا وش بکنت شُمئے سلامتی ءَ لوٹیں۔۔۔۔
ھال باز بیت پدا من ھم وپتاں تو ھم پدا من دو روچ ءَ رند بیگاہ ءَ نیٹے گپت چاراں نیوز پیداگ اَنت مرچی دو ورنائی لاش پاکستان ءِ لشکر ءَ کیچ نادراہ جاہ ءَ آورتگ دمانی ءَ پد سنگتی ئے اسٹیٹس ءَ تئ ءُ کامران نودی ءِ اکس جتگ اَت من جُست کُت چون ءُ کُجا؟
سنگت ءَ پسہّ دات مزنبند ءَ مرچی پاکستان ءِ لشکر ءَ آپریشن کُتگ ءُ جھڈپے بیتگ لشکر ءَ سنگت وتی انگیر ءَ کُتگ اَنت ءُ شھید بیتگ اَنت۔
بس دلا امئے اتک آڈے ھُدا شُمئے جاہ ءَ وش بکنت کُل شھیداں گوں ھم دیوان باتئے۔
***
