بلوچستان کے علاقے گوادر اور لورالائی میں فائرنگ اور روڈحادثے سے 2 افراد ہلاک ہوگئے۔
گوادر کے علاقے میں باز کے شکار کے دوران ایک شخص کو قتل کردیا گیا۔
پولیس کے مطابق گزشتہ روز گوادر کے علاقے جیونی کے قریب باز کا شکار کرتے ہوئے ایک نوجوان کو قتل کردیا گیا۔
واقعہ کی اطلاع ملتے ہی پولیس نے موقع پر پہنچ کر نعش قبضے میں لیکر ہسپتال منتقل کردیا جس کی شناخت عبدالباسط کے نام سے ہوگئی ہے۔
نعش ضروری کارروائی کے بعد ورثا کے حوالے کردی گئی۔
مزید کارروائی پولیس کررہی ہے۔
دوسری جانب لورالائی میں ڈیرہ غازی خان روڈ چپلی پل کے قریب دو موٹرسائیکل آپس میں ٹکرا گئے ۔جس کے نتیجہ میں ایک موٹرسائیکل سوار اسماعیل ولد نورخان عبداللہ زئی ساکن ناصرآباد موقع پرہلاک ہو گیا جبکہ دوسرا موٹر سائیکل سوار شمبے ولد تاج محمد حمزازئی ساکن پہاڑی محلہ شدید زخمی ہو گیا۔
متوفی کی نعش اور زخمی کو ٹیچنگ ہسپتال منتقل کیا گیا۔
نعش ضروری کارروائی کے بعد ورثا کے حوالے کردی گئی ۔
مزید کارروائی لورالائی پولیس کر رہی ہے۔