بلوچ قومی رہنما استاد واحد کمبر نے 13 نومبر یوم شہدائے بلوچستان کی مناسبت سے اپنے جاری کردہ بیان میں بلوچستان کی آزادی کے لئے قربانی دینے والے شہدا کو خراج تحسین پیش کرتے ہوئے کہا ہےکہ زندہ قومیں کبھی اپنے شہداء کو فراموش نہیں کرسکتے اور بلوچ ایک زندہ قوم ہے اور ہم اپنے قومی شہیدوں کو ہمیشہ یاد کرتے ہیں کہ انہوں نے اپنے قیمتی سروں کو بلوچ سرزمین اور قومی تشخص کے لئے قربان کیا ہے۔
انہوں نے کہا ہےکہ بلوچ قوم نے ہمیشہ اپنے زمین اور قومی تشخص کے لئے قربانی سے دریغ نہیں کیا ہے اس لئے بلوچستان کو کسی غیر ملکی قوتوں نے فتح نہیں کیاہمیں یقین ہے کہ ہمارے قومی شہیدوں کی دی ہوئی قربانی کی وجہ سے ہماری زمین آزادہوگی۔
انہوں نے کہا ہےکہ نواب محراب خان شہید سے قبل اور آج بھی ہزاروں کی تعداد میں بلوچ شہیدوں نے اپنی سروں کی قربانی دیکر خود کو امر کردیا ہے ، وہ دن دور نہیں کہ بلوچ اپنی سرزمین کا مالک خود ہوگا۔
بلوچ رہنماء نے اپنے بیان کے آخر میں قومی شہیدوں کو خراج تحسین پیش کرتے ہوئے کہا ہےکہ آج تجدید عہد کا دن ہے اور اس دن کی مناسبت سے ہم عہد کرتے ہیں کہ ہم اپنے قومی شہیدوں کے راستے کے راہی ہیں اور وہی قربانی کا سلسلہ بلوچستان کی آزادی تک جاری رکھیں گے۔