بلوچستان کے ضلع چمن میں پولیوکیلئے ڈیوٹی میں غفلت برتنے اور مسلسل غیر حاضری پر ضلعی انتظامیہ نے ایکشن لیکر15 لیویز اہلکاروں کو نوکری سے فارغ کردیاہے۔
ذرائع کے مطابق یہ لیویز اہلکار مسلسل ڈیوٹیوں سے غیر حاضر رہنے کے بعد جب پولیو کی ڈیوٹی کیلئے انھیں حاضر ہونے کا حکم دیاگیا اس کے باوجود وہ حاضر نہیں ہوئے جس پر ضلعی انتظامیہ نے انھیں برخاست کردیا ۔
دوسری جانب سپریم کورٹ اور بلوچستان ہائی کورٹ کے حکم پر تمام لیویز اور پولیس اہلکار جوکہ پرائیویٹ گن مین تھے انکو بھی واپس بلالیا گیا ہے اور انھیں جائے تعیناتی پر حاضر ہونے کا حکم دیاگیا ہے جو اہلکار حاضر نہیں ہونگے انھیں غیر حاضر تصور کرکے انھیں بھی نوکری سے فارغ کردیا جائے گا۔