بلوچستان کے علاقے شمور ڈیرہ بگٹی روڈ پر سینیٹرسرفراز بگٹی کے قافلے کے قریب دھماکا ہوا تاہم وہ محفوظ رہے۔
ڈپٹی کمشنر ڈیرہ بگٹی ممتاز کھیتران کے مطابق سینیٹرسرفراز بگٹی دھماکے میں محفوظ رہے جبکہ ان کے گارڈز خمی ہوئے ہیں۔
انہوں نے بتایا کہ جس مقام پر دھماکا ہوا وہ روجھان پور کا علاقہ ہے۔
ڈیرہ بگٹی کی انتظامیہ بھی موقع پر پہنچ گئی ہے۔
سینیٹر سرفراز بگٹی عید منانے ڈیرہ بگٹی آرہے تھے۔
ابھی تک اس حملے کی ذمہ داری کسی تنظیم نے قبول نہیں کی ہے لیکن امکان ظاہر کیا جارہا ہے کہ یہ حملہ آزادی پسند بلوچ مسلح قوتوں کی جانب سے ہوا ہوگا۔